ការផ្ទុះនិងផ្សែងដ៏ក្រាស់ ត្រូវបានគេឃើញនៅក្នុតំបន់ហ្កាហ្សា ចេញពីភាគខាងត្បូងប្រទេសអ៊ីស្រាអែល នៅថ្ងៃសុក្រនេះ។

ក្រុមហាម៉ាស កាលពីថ្ងៃព្រហស្បតិ៍ បានដើរចេញពីកិច្ចពិភាក្សាបទឈប់បាញ់តំបន់ហ្កហ្សា ក្នុងក្រុងគែរ ជាទីដែលមិនមានសញ្ញាណានៃវឌ្ឍនភាព ត្រឹមតែប៉ុន្មានថ្ងៃនៅមុនការចាប់ផ្ដើមខែពិសិដ្ឋបុណ្យរ៉ាម៉ាន់ចូលមកដល់ ខណ:សហរដ្ឋអាមេរិក និយាយថា កាតព្វកិច្ចគឺស្ថិតនៅលើក្រុមសកម្មប្រយុទ្ធប៉ាលេស្ទីនដែល ត្រូវយល់ព្រមលើចំណាប់ថ្នូរអ៊ីស្រាអែល។

នាយករដ្ឋមន្រ្ដីអ៊ីស្រាអែល លោកបេន ចាមីន ណេតាន់យ៉ាហ៊ូ បានបញ្ជាក់កាលពីថ្ងៃព្រហស្បតិ៍ពីការបន្តសម្ពាធជាមួយនឹងយុទ្ធនាការយោធាក្នុងតំបន់ហ្កាហ្សា ដែលបានចាប់ផ្ដើមបន្ទាប់ពីការវាយប្រហាររបស់ក្រុមហាម៉ាស កាលពីថ្ងៃទី៧តុលា នៅភាគខាងត្បូងប្រទេសអ៊ីស្រាអែល ដែលអ៊ីស្រាអែល បាននិយាយថា មនុស្ស១.២០០នាក់ ត្រូវបានសម្លាប់ និង២៥៣នាក់ ត្រូវបានចាប់ជាចំណាប់ថ្នូរ។

ក្រុមមន្រ្ដីហាម៉ាស បាននិយាយថា បទឈប់បាញ់មួយ ត្រូវបានចូលជាធរមាននៅមុនពេលចំណាប់ថ្នូរត្រូវដោះលែង ហើយកងទ័ពអ៊ីស្រាអែល ត្រូវតែចាកចេញពីតំបន់ហ្កាហ្សា ហើយអ្នកស្រុកហ្កាហ្សាអាចត្រូវតែមានលទ្ធភាពវិលត្រឡប់ទៅផ្ទះវិញដែលខ្លួនបានភៀសខ្លួនចេញ។

ក្រុមហាម៉ាស បាននិយាយថា ខ្លួនមិនអាចផ្ដល់បញ្ជីឈ្មោះចំណាប់ថ្នូរដែលនៅរស់ដោយគ្មានបទឈប់បាញ់បានទេ ខណៈចំណាប់ថ្នូរនៅដាច់ដោយឡែកគ្នានៅទូទាំងតំបន់សង្រ្គាមនោះ៕