បាល់ទាត់៖ ​ក្រុមបាល់ទាត់​ជំរើសជាតិ​អ៊ីតាលី​ បានធ្វើ​ដំណើរ​មកដល់​ប្រទេស​កំណើត​វិញហើយ​​នៅ​ទីក្រុង​រ៉ូម និង​នាំមក​ជាមួយ​ពានរង្វាន់​បាល់ទាត់​អឺរ៉ុប Euro ២០២០ ក្រោយ​យកឈ្នះ​ក្រុម​ម្ចាស់ផ្ទះ​អង់គ្លេស​ដោយ​បាល់ ១១ម៉ែត្រ​កាត់សេចក្តី​។

​​អ្នកគាំទ្រ​ជាច្រើន​បាន​រង់ចាំ​ទទួល និង​ស្រែក​ហ៊ោរ​ស្វាគមន៍​ការ​ត្រលប់​មកវិញ​ របស់​ក្រុម​អ៊ីតាលី​ដែល​គេ​ចាត់ទុកថា សុទ្ធតែជា​វិ​រៈ​បុរស​នៃ​ប្រជាជន​អ៊ីតាលី​។​ ​ប្រធាន​ក្រុម Giorgio Chiellini គឺជា​អ្នក​កាន់​ពាន Euro ឈាន​ជើង​ចេញពី​យន្តហោះ​មុនគេ ដែល​ជ័យជំនះ​ជើងឯក​ទ្វីបអឺរ៉ុប​លើក​ទី​ពីរ ដែល​ខកខាន​តាំងពី​ឆ្នាំ១៩៦៨​។ ​​នាយករដ្ឋមន្ត្រី​អ៊ីតាលី​លោក Mario Draghi បានទទួល​ស្វាគមន៍​ក្រុម​ជំរើសជាតិ​អ៊ីតាលី​នៅ​វិមាន​រដ្ឋាភិបាល ​ឱ្យ​សក្តិសម​នឹង​កិត្តិយស​ដ៏​ធំធេង​នាំមក​ដោយ​ក្រុម​របស់លោក Roberto Mancini បន្ទាប់ពី​មុននេះ​ក៏បាន​ទទួល​ស្វាគមន៍​ផងដែរ​ពីប្រធានាធិបតី​អ៊ីតាលី ​លោក Sergio Mattarella​។​

​​ជ័យជំនះ​របស់​អ៊ីតាលី​ក៏បាន​បញ្ចប់​ក្តីសង្ឃឹម​របស់​អង់គ្លេស ​ដែល​ចង់​ឈ្នះ​ពានរង្វាន់​ធំលើកដំបូង​ក្នុង​រយៈពេល ៥៥ឆ្នាំ​ដែល​ពួកគេ​ឈ្នះ​ចុងក្រោយ​បំផុត​នៅ World Cup ១៩៦៦ ក្នុង​ទឹកដី​ខ្លួនឯង​។​ ​​អ៊ីតាលី​ដែល​ឈ្នះ​ជើងឯក​អឺរ៉ុប​នេះ​ជា​លើក​ទី២ ក្នុង​រយៈពេល ៥៣ឆ្នាំគឺជា​គម្លាតដ៏​យូរ​បំផុត​នៃ​ការ​ឈ្នះ​ជើង​ឯង បន្ទាប់ពី​អេ​ស្ប៉ា​ញ ៤៤ឆ្នាំ​ចន្លោះ​ឆ្នាំ១៩៦៤ និង​ឆ្នាំ ២០០៨​។​ ​​ជ័យ​ជំនះ​កាលពី​យប់​ថ្ងៃអាទិត្យ ​ធ្វើឱ្យ​អ៊ីតាលី​នៅតែ​បន្ត​មិនដែល​ចាញ់​សោះ ៣៤ប្រកួត​ជាប់​គ្នា ជាពិសេស​គឺ​តាំងពី​ស្ថិតក្រោម​ការដឹកនាំ​រប​ស់លោក Roberto Mancini៕

​អត្ថបទ​៖​នាង សុភា​វុ​ធ