ប្រធានគណបក្សសម្ព័ន្ធប្រជាធិបតេយ្យកណ្តាលស្តាំនិយម (AD) របស់ប្រទេសព័រទុយហ្គាល់ គឺលោក Luis Montenegro បាននិយាយថា គណបក្សរបស់លោកបានឈ្នះការបោះឆ្នោតសកល កាលពីថ្ងៃអាទិត្យ (ទី១០ ខែមីនា) បើទោះបីជាវានៅមិនទាន់ច្បាស់ទេថា តើលោកអាចដឹកនាំប្រទេស ដោយគ្មានការគាំទ្រពីក្រុមស្តាំជ្រុលនិយម គឺគណបក្ស Chega ដែលលោកបានបដិសេធជាថ្មីម្តងទៀតមិនចរចាជាមួយ ឬយ៉ាងណា។

តំណាងសមាជិកសភារបស់គណបក្ស Chega បង្កើនចំនួនច្រើនជាងបួនដងដល់ចំនួនយ៉ាងហោចណាស់ ៤៨នាក់ នៅក្នុងសភាដែលមាន ២៣០អាសនៈ ដោយមាននូវសំឡេងភាគច្រើនដែលផ្ដល់សិទ្ធិឲ្យរួមបញ្ចូលគ្នា។ លទ្ធផលនេះបង្ហាញឲ្យឃើញពីភាពលម្អៀងផ្នែកនយោបាយ ដែលផ្អៀងទៅរកណពួកស្ដាំជ្រុលនិយម នៅទូទាំងតំបន់អឺរ៉ុប។ ព័រទុយហ្គាល់ដែលទើបតែវិលទៅរកលទ្ធិប្រជាធិបតេយ្យវិញបន្ទាប់ពីការដួលរលំនៃរបបផ្តាច់ការហ្វាស៊ីស កាលពី ៥០ឆ្នាំមុននោះ ត្រូវបានចាត់ទុកថា ស៊ាំនឹងការកើនឡើងនៃក្រុមស្តាំជ្រុលនិយមនៅទូទាំងទ្វីប ដែលត្រូវបានរំពឹងថា នឹងផ្តល់ផលចំណេញ សម្រាប់គណបក្សស្តាំជ្រុលនិយម ក្នុងការបោះឆ្នោតនៅអឺរ៉ុប នៅខែមិថុនា។

នៅមុននេះ គូប្រជែងសំខាន់របស់លោក Montenegro គឺលោក Pedro Nuno Santos បានទទួលស្គាល់ការបរាជ័យ បន្ទាប់ពីគណបក្សសង្គមឆ្វេងនិយម (PS) របស់លោកដែលកាន់អំណាចចាប់តាំងពីឆ្នាំ២០១៥ មក ឈរនៅលំដាប់ទី២ ជាមួយនឹងការចាញ់ក្នុងសំឡេងឆ្នោតយ៉ាងស្ដួចស្ដើង។ លោកបានច្រានចោលការគាំទ្រវេទិការបស់គណបក្ស AD ដែលរួមបញ្ចូលនូវការកាត់ពន្ធទូទាំងក្រុមប្រឹក្សា។

អំឡុងពេលនិយាយទៅកាន់អ្នកគាំទ្រដែលពោរពេញទៅដោយក្ដីរំភើប នាព្រឹកព្រលឹមថ្ងៃចន្ទ (ទី១១ ខែមីនា) នេះ លោក Montenegro បានប្រាប់ថា៖ «គណបក្ស AD បានឈ្នះការបោះឆ្នោតហើយ» ហើយលោកបានបន្ថែមថា វាមានសារៈសំខាន់ណាស់ ដើម្បីឲ្យគណបក្សនានានៅក្នុងសភាថ្មីធ្វើសកម្មភាពប្រកបដោយការទទួលខុសត្រូវ និង «បំពេញតាមបំណងប្រាថ្នារបស់ប្រជាជនព័រទុយហ្គាល់»។

គណបក្ស AD និងសម្ព័ន្ធមិត្តអភិរក្សរបស់ខ្លួន នៅក្នុងតំបន់ Madeira insular បានឈ្នះកៅអីសរុបយ៉ាងហោចណាស់ ៧៩កៅអី នាំមុខគណបក្ស PS ដែលមាន ៧៧កៅអី។ អាសនៈចំនួន៤ មិនទាន់ត្រូវបានកំណត់នៅឡើយទេ បន្ទាប់ពីមានការរាប់សន្លឹកឆ្នោតចុងក្រោយពីបរទេស។ កាលពីថ្ងៃអាទិត្យ ប្រធានគណបក្ស Chega លោក Andre Ventura បានប្រាប់អ្នកសារព័ត៌មាថា៖ «ច្បាស់ណាស់ថា ជនជាតិព័រទុយហ្គាល់ចង់បានរដ្ឋាភិបាលដែលមានគណបក្ស AD ជាមួយគណបក្ស Chega»។ នៅមុននេះ លោកបាននិយាយថា លោក Montenegro នឹងទទួលខុសត្រូវចំពោះអស្ថិរភាពនយោបាយណាមួយ ប្រសិនបើលោកបន្តបដិសេធមិនចរចា៕