ប្រព័ន្ធផ្សព្វផ្សាយក្នុងស្រុកបានរាយការណ៍ថា អ្នកជិះស្គីនៅជនបទ ២នាក់មកពីប្រទេសនូវ៉ែលហ្សេឡង់បានស្លាប់បន្ទាប់ពីពួកគេបានជាប់នៅក្នុងបំណាក់ព្រិល នៅកោះហុកកៃដូប្រទេសជប៉ុន កាលពីថ្ងៃចន្ទ (ទី១១ ខែមីនា)។

នគរបាលជប៉ុនបាននិយាយថា ក្រុមអ្នកពន្លត់អគ្គិភ័យបានទទួលការហៅទូរស័ព្ទ កាលពីព្រឹកថ្ងៃចន្ទនោះថា បំណាក់ព្រិលបានកើតឡើងនៅភ្នំ Yotei នៅខាងក្រៅក្រុង Kutchan ដោយបានកប់មនុស្សចំនួន ៦នាក់។

ប្រព័ន្ធផ្សព្វផ្សាយក្នុងស្រុកបានរាយការណ៍ថា អ្នកជិះស្គីត្រូវបានបញ្ជាក់ថា មកពីនូវ៉ែលហ្សេឡង់។ បុរសម្នាក់ និងស្ត្រីម្នាក់ត្រូវបានគេប្រទះឃើញសន្លប់ នៅនឹងកន្លែង ហើយបានបញ្ជូនទៅកាន់មន្ទីរពេទ្យនៅមូលដ្ឋាន ប៉ុន្តែត្រូវបានបញ្ជាក់ថា បានបង់ជីវិតហើយ។

យោងតាមសេចក្តីរាយការណ៍ក្នុងស្រុក ពុំមានការព្រមានអំពីបំណាក់ព្រិលនៅតំបន់នោះទ មុនពេលមានឧបទ្ទវហេតុនេះ៕