អ្នកនាំពាក្យក្រសួងកាបរទេសលោក វ៉ាងវិនប៊ីន បាននិយាយកាលពីថ្ងៃច័ន្ទនៅឯសន្និសីទសារព័ត៌មានមួយ កាលពីថ្ងៃច័ន្ទថា តំបន់ហ្សាងណាន់ (Zangnan)គឺជាទឹកដីរបស់ចិន ហើយចិនប្រឆាំងដាច់ខាតចំពោះ ដំណើរទស្សនកិច្ចរបស់មេដឹកនាំឥណ្ឌាទៅកាន់អ្វីដែលគេហៅថា រដ្ឋអារូណាឆាល់ ប្រាដេស(Arunachal Pradesh) នោះ។

មានរាយការណ៍ថា នាយករដ្ឋមន្រ្ដីឥណ្ឌា លោកស្រ៊ី ណារិនដ្រាម៉ូឌី (Shri Narendra Modi) កាលពីថ្ងៃសោរ៍ បានធ្វើទស្សនកិច្ចទៅកាន់រដ្ឋ អារុណាឆាល់ ប្រាដេស កាលពីថ្ងៃសៅរ៍ ដើម្បីសម្ពោធផ្លូវក្រោមដី សេឡា ទូនេល (Sela Tunnel) និងគម្រោង

ផ្សេងទៀត។

ក្រសួងការពារជាតិឥណ្ឌា បានចេញសេចក្តីប្រកាសព័ត៌មានមួយដោយបញ្ជាក់ថាផ្លូវក្រោមដីនោះ នឹងផ្ដល់តំណភ្ជាប់គ្រប់រដូវការលទៅកាន់រដ្ឋតាវ៉ាង (Tawang) និងធ្វើអោយប្រសើរឡើងនូវការ ត្រៀមលក្ខណ:ការពារជាតិ និងបង្កើនការអភិវឌ្ឍន៍សេដ្ឋកិច្ចសង្គមនៅតំបន់ព្រំដែន។

លោកវ៉ាងបានបញ្ជាក់ឡើងវិញពីអធិបតេយ្យភាពរបស់ចិន នៅពីលើតំបន់នោះ ដោយនិយាយថា សកម្មភាពរបស់ឥណ្ឌានឹងធ្វើអោយបញ្ហាព្រំដែនរវាងប្រទេសទាំងពីរកាន់តែស្មុកស្មាញថែមទៀត។