ភ្នំពេញ៖ សេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ចេញនៅថ្ងៃទី១៣ ខែកក្កដា បានបង្ហាញ​ពី​សេចក្តី​ថ្លែងការណ៍របស់ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ​នៅ​ក្នុង​សន្និសីទ​រដ្ឋមន្ត្រីពាក់កណ្តាលឆមាស នៃចល​នា​មិនចូលបក្សសម្ព័ន្ធ ស្តីពី«ចលនាមិនចូលបក្សសម្ព័ន្ធ នៅចំណុចនៃកិច្ចខិតខំប្រឹងប្រែង​ពហុភាគីក្នុងការឆ្លើយតបទៅនឹងការប្រឈមពិភពលោក»ថ្ងៃទី១៣ ដល់ថ្ងៃទី១៤ ខែកក្កដា ឆ្នាំ២០២១។

ក្នុងសេចក្ដីថ្លែងការណ៍នោះ ឯកឧត្ដម ប្រាក់ សុខុន បានលើកឡើងថា នាពេលបច្ចុប្បន្ន ក្នុងចំណោមប ញ្ហាប្រឈមសំខាន់ៗ ដែល​កំពុង​​ញាំ​ញីពិភពលោក ក្នុងរយៈពេល២ឆ្នាំចុងក្រោយនេះ រួមនឹងការប្រ ណាំងប្រជែងភូមិសាស្រ្តនយោបាយរបស់មហាអំណាច ការ​ផ្ទុះ​ឡើងនៃជំងឺរាតត្បាតកូវីដ១៩ដ៏កាចសាហាវ គឺជាដំណាក់កាលដ៏អាក្រក់បំផុតនៃវិបត្តិផ្នែកសុខភាព សេដ្ឋកិច្ច-សង្គមកិច្ច និងមនុស្ស​ធម៌។

ការរើបកាន់តែខ្លាំងឡើងវិញនៃគ្រោះមហន្តរាយដោយធម្មជាតិ និងពីអាកាសធាតុ និងការផ្លាស់ប្តូរឆ្ពោះទៅរកសេដ្ឋកិច្ចឌីជីថល ដែល​អាច​នឹងកើត​មានឡើងនាពេលបន្ទាប់។

ឯកឧត្ដមបន្តថា កម្ពុជាជឿជាក់យ៉ាងមុតមាំថា ក្នុងការឆ្លើយតបទៅនឹងបញ្ហាប្រឈមជាសកលទាំងនេះ ការខិតខំប្រឹងប្រែងកិច្ច​ស​ហ​ប្រតិបត្តិការពហុភាគី គួរតែត្រូវបានបញ្ចូលជាមូលដ្ឋាននៅក្នុងប្រព័ន្ធបទប ញ្ញត្តិនានា ដោយស្របតាមគោលការណ៍បានឌុង សេចក្តី​ថ្លែងការណ៍បាគូឆ្នាំ២០១៩ និងធម្មនុញ្ញអង្គការសហប្រជាជាតិ។

ឯកឧត្ដមបន្ថែមថា ខណៈដែលសហគមន៍អន្តរជាតិព្យាយាមជម្នះផលប៉ះពាល់នៃជំងឺរាតត្បាត យើងត្រូវពង្រឹងគុណតម្លៃ​នៃពហុភាគី​និយម និងកិច្ចសហប្រតិបត្តិការអន្តរជាតិ ដើម្បីធា នាឱ្យប្រទេសទាំងអស់ទទួលបានវ៉ាក់សាំង និងឧបករណ៍វេជ្ជសាស្ត្រ ដោយគ្មាន​ការ​​រារាំង និងប្រកប ដោយសមភាព។

ភាពចាំបាច់នេះ មានសារៈសំខាន់ណាស់ ក្នុងការធ្វើឱ្យប្រទេសជាសមាជិកចលនាមិនចូលបក្សសម្ព័ន្ឋ ដើរលើមាគ៌ា​ស្តារ​សេដ្ឋកិច្ច​របស់ខ្លួន​ឡើងវិញ។

វិធីសាស្រ្តទិសដៅពីរបច្ចុប្បន្នរបស់ប្រទេសអភិវឌ្ឍន៍ប្រឆាំងនឹងប្រទេសកំពុងអភិវឌ្ឍន៍ អាចនឹងទទួលបរាជ័យដោយខ្លួនឯង។ក្នុងកិច្ចប្រ ជុំនេះ ឯកឧត្ដមក៏បានលើកពីបញ្ហាគ្រោះមហន្តរាយធម្មជាតិ និងការប្រឈមនានាដែលកំពុងចួបប្រទះ ផងដែរ។

ឯកឧត្ដមក៏បានរម្លឹកផងដែរថា តាមប្រវត្ដិសាស្ដ្រ ចលនាមិនចូលបក្សសម្ព័ន្ធបានផ្តួចផ្តើមគំនិតនៃទំនា ក់ទំនងអន្តរជាតិ ដែល​ជួយ​ទប់​ស្កាត់​សង្គ្រាមលោកថ្មី។

ឯកឧត្ដមជឿជាក់ថា សព្វថ្ងៃនេះនៅក្នុងពិភពពហុភាគីនៃការក្រកួតប្រជែងប្រកបដោយគ្រោះថ្នាក់ គំនិតនៃការរួមរស់​ដោយ​សន្តិ​ស​ហ​វិជ្ជ​មាន ដូចដែលបានបង្កើតឡើងដោយសហស្ថាបនិកនៃចលនាមិនចូលបក្សសម្ព័ន្ធ គឺនៅតែមានភាពសមស្រប​ជាងពេលណា​ទាំង​អស់ ហើយគ្មានប្រទេសណាមួយដែលប្រសើរ ឬមានសមត្ថភាពជាងចលនាមិនចូលប ក្សសម្ព័ន្ធ ក្នុងការលើកកម្ពស់​គំនិតនេះ​ម្តង​ទៀត​នោះទេ៕ ដោយ៖ គង់ ឌិន