នាព្រឹកថ្ងៃទី១៣ ខែមីនា ឆ្នាំ២០២៤ នៅឃុំបន្លិចប្រាសាទ ស្រុកពាមរក៍ ខេត្តព្រៃវែង ឯកឧត្តម​កិត្តិ​សេដ្ឋា​បណ្ឌិត ជាម យៀប អនុប្រធានទី១ រដ្ឋសភា និងលោក​ជំទាវ​សិរី​ចរណ​វិសុទ្ធិ​អគ្គ​មហា​ឧបាសិកា​ពុទ្ធសាសនូបត្ថម្ភក៍ ហាក់ ជូ បានអញ្ជើញចុះ​ពិនិត្យ​មើល​វឌ្ឍ​នភាព​ការ​សាង​សង់​អគារ​សិក្សា​នៅ​អនុវិទ្យាល័យបន្លិចប្រាសាទ និង​ការ​សាងសង់​ផ្លូវ​បេតុង​អាមេ​មួយ​ខ្សែប្រ​វែង​ជាង​២១០០​ម៉ែត្រ​ នៅស្រុកពាមរក៍ ខេត្តព្រៃវែង ដែលជាអំណោយផ្ទាល់របស់ ឯកឧត្តម​កិត្តិ​សេដ្ឋា​បណ្ឌិត​ ជាម យៀប អនុប្រធានទី១ រដ្ឋសភា និងលោកជំទាវ រួមជាមួយសប្បុរសជននានា ដែល​បាន​ប្រារព្ធ​ធ្វើ​ពិធី​បញ្ចុះបឋមសិលាសាងសង់ តាំងពីថ្ងៃទី២១ ខែមិថុនា ឆ្នាំ២០២៣ កន្លងមក ដែល​រហូត​មកដល់ពេលនេះ សម្រេចបានប្រមាណជា៦០ភាគរយហើយ។

សូមជម្រាបថា អំណោយអគារសិក្សា១ខ្នងកម្ពស់ពីរជាន់មាន៨បន្ទប់ នៅ​សាលា​អនុវិទ្យាល័យ​បន្លិច​ប្រាសាទ​ គឺជាចំណងដៃដ៏ថ្លៃថ្លា របស់ ឯកឧត្តមកិត្តិសេដ្ឋាបណ្ឌិត អនុប្រធានទី១ រដ្ឋសភា និង​លោក​ជំទាវ រួមជាមួយសប្បុរសជន ជូនដល់លោកគ្រូអ្នកគ្រូ និងសិស្សានុសិស្ស នៅសាលា​អនុវិទ្យាល័យ​បន្លិច​ប្រាសាទ ស្ថិតក្នុងភូមិព្រែកចាម ឃុំបន្លិចប្រាសាទ ស្រុកពាមរក៍ ខេត្តព្រៃវែង គឺ​ជា​ការ​រួ​មចំណែកនៅក្នុងការកសាង និងអភិវឌ្ឍ​ធន​ធាន​មនុស្ស​ឱ្យ​មាន​ការ​រីក​ចម្រើន​ឡើង​ថែម​ទៀត​។​ បន្ទាប់មក ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ រដ្ឋសភា និងលោក​ជំទាវ​សិរី​ចរណវិសុទ្ធិអគ្គមហាឧបាសិកាពុទ្ធសាសនូបត្ថម្ភក៍ ហាក់ ជូ ក៍បានអញ្ជើញ​ចុះ​ពិនិត្យ​ពី​វឌ្ឍភាព​កសាង​សង់ផ្លូវប្រវែង ២១០០ម៉ែត្រចាប់ពីចាប់ពីវត្តព្រែកចាម រហូតដល់វត្ត​បន្លិច​ប្រាសាទ​ដែល​បាន​ធ្វើ​ពិធីបើកការដ្ឋានកាលពីថ្ងៃទី៨ ខែមីនា ឆ្នាំ២០២៤កន្លងទៅថ្មីៗនេះ។