ទីក្រុងឈៀងម៉ៃ ដែលជាកន្លែងទេសចរណ៍ដ៏ពេញនិយមរបស់ប្រទេសថៃ ត្រូវបានគ្របដណ្តប់ដោយផ្សែងអ័ព្ទ នៅថ្ងៃសុក្រ (ទី១៥ ខែមីនា) នេះ ខណៈដែលអ្នកស្រុក និងអ្នកទេសចរ នៅទីក្រុងភាគខាងជើងដ៏ស្រស់បំព្រងមួយនេះ ពិបាកដកដង្ហើមដោយសារខ្យល់អាកាសកង្វក់។

ទីក្រុងនេះបានឈរនៅលើគេនៃតារាងរបស់គេហទំព័រត្រួតពិនិត្យគុណភាពខ្យល់ IQAir ក្នុងចំណោមទីក្រុងដែលមានការបង្កកខ្វក់បរិកាសខ្លាំងបំផុតលើពិភពលោក នៅព្រឹកថ្ងៃសុក្រនេះ។ កម្រិតនៃការបំពុល PM2.5 ពោលគឺជាភាគល្អិតបង្កមហារីកដែលមានទំហំតូចល្មមអាចចូលទៅក្នុងចរន្តឈាមតាមសួត ត្រូវបានចាត់ថ្នាក់ថា មានកម្រិត «មិនល្អខ្លាំង» និងប៉ះពាល់ដល់ទៅជាង ៣៥ដងនៃគោលការណ៍ណែនាំប្រចាំឆ្នាំរបស់អង្គការសុខភាពពិភពលោក។

ការបំពុលកម្រិតខ្ពស់ ជារឿយៗបានកើតមាននៅទីក្រុងឈៀងម៉ៃដែលជាស្រុកកំណើតរបស់អតីតមនាយករដ្ឋមន្ត្រីលោក ថាក់ស៊ីន ស៊ីណាវ៉ាត់ អំឡុងដើមខែនៃឆ្នាំនេះ នៅពេលដែលកសិករតែងដុតដំណាំ ដើម្បីសម្អាតដី ហើយចំហេះព្រៃ និងការហុយផ្សែង ក៏រួមចំណែកបន្ថែមដល់ការបង្កកខ្វក់នេះផងដែរ។

ការបង្កើននូវការយល់ដឹងអំពីផលប៉ះពាល់សុខភាព បានជំរុញឲ្យរដ្ឋាភិបាលចាត់វិធានការមួយចំនួន ដោយខុទ្ទកាល័យរបស់នាយករដ្ឋមន្ត្រីលោក សេដ្ឋា ថាវីស៊ីន បានអនុម័តច្បាប់បរិយាកាសបរិសុទ្ធ ដើម្បីដោះស្រាយបញ្ហានេះ កាលពីខែមករា៕