ក្រុមហ៊ុន McDonald's Japan ក្នុងប្រទេសជប៉ុន នៅថ្ងៃសុក្រ (ទី១៥ ខែមីនា) នេះ បាននិយាយថា ខ្លួនបានបញ្ឈប់ប្រតិបត្តិការនៅហាងជាច្រើន ដោយសារបញ្ហាប្រព័ន្ធ ដោយបណ្ដាញសារព័ត៌មានក៏បានរាយការណ៍ពីបញ្ហាបច្ចេកទេសនេះផងដែរ នៅក្នុងប្រទេសអូស្ត្រាលី និងទីក្រុងហុងកុងរបស់ប្រទេសចិន។

អ្នកនាំពាក្យរបស់ក្រុមហ៊ុន McDonald របស់ប្រទេសជប៉ុន បាននិយាយថា ហាងរបស់ក្រុមហ៊ុន McDonald ជាច្រើន នៅជប៉ុន បានឈប់ទទួលការកុម្ម៉ង់ដោយផ្ទាល់ និងតាមទូរសព្ទដៃ ដោយសារតែមានការរអាក់រអួលផ្នែកប្រព័ន្ធ ដោយបានបន្ថែមថា ក្រុមហ៊ុនកំពុងធ្វើការដើម្បីធ្វើប្រតិបត្តិការឡើងវិញ ក្នុងពេលឆាប់ៗនេះ។

ជនជាតិជប៉ុនដែលដើរកាត់ភោជនីយដ្ឋានមួយ ក្នុងទីក្រុងតូក្យូ បាននិយាយថា ពួកគេមានការភ្ញាក់ផ្អើលជាខ្លាំង ព្រោះពួកគេមិនដែលឮការដាច់ប្រព័ន្ធបែបនេះកើតឡើងនៅហាងហាំប៊ឺហ្គឺដ៏ធំជាងគេនេះនោះទេ៕