កោះស៊ីប ៖ ប្រទេសកោះស៊ីប បាននិយាយថា នាវាទី២ដែលផ្ទុកដោយជំនួយសម្រាប់តំបន់ហ្កាហ្សា អាចចាកចេញនៅព្រឹកថ្ងៃសៅរ៍ ខណៈដែលនាវាទី១ បានត្រឡប់ពីទឹកដីដែលបំផ្លិចបំផ្លាញដោយសង្រ្គាម បន្ទាប់ពីការដឹកជញ្ជូនទំនិញរបស់ខ្លួនដោយជោគជ័យ។

អ្នកនាំពាក្យក្រសួងការបរទេសលោក Theodoros Gotsis បានប្រាប់វិទ្យុរដ្ឋថា នាវា Jennifer នឹងចេញដំណើរទៅតំបន់ហ្កាហ្សានៅថ្ងៃនេះ ឬថ្ងៃស្អែក។

អង្គការសប្បុរសធម៌អាមេរិក World Central Kitchen បាននិយាយថា នាវាJennifer ដែលត្រូវបានផ្ទុកដោយស្បៀងអាហារចំនួន ២៤០ តោន ប៉ុន្តែអាកាសធាតុដ៏អាក្រក់នោះ បានធ្វើឲ្យពិបាកក្នុងការទស្សន៍ទាយថាតើវានឹងចេញដំណើរទៅកាន់តំបន់ហ្កាហ្សា ឬនៅពេលណា ដែលកនាវាទី១ដែលមានឈ្មោះថា Open Arms អាចនឹងធ្វើដំណើរត្រឡប់មកវិញនោះ។

អង្គការសប្បុរសធម៌នេះ បាននិយាយនៅក្នុងសេចក្តីថ្លែងការណ៍មួយថា៖«របាយការណ៍អាកាសធាតុតាមសមុទ្រ បង្ហាញពីអាកាសធាតុអាក្រក់ ចាប់ពីថ្ងៃអាទិត្យរហូតដល់ចុងសប្តាហ៍ក្រោយ ដូច្នេះពេលវេលាពិតប្រាកដនាវាទាំងពីរគ្រឿងត្រឡប់ទៅហ្កាហ្សា គឺមិនអាចកំណត់បានថានៅពេលណាទេ។

ច្រករបៀងជំនួយតាមសមុទ្រពីប្រទេសកោះស៊ីប មានន័យយ៉ាងហោចមួយផ្នែក ដើម្បីដោះស្រាយការខ្វះខាតយ៉ាងខ្លាំង នៅក្នុងតំបន់ហ្កាហ្សា បន្ទាប់ពីសង្គ្រាមជាង៥ខែ ខណៈដែលទីភ្នាក់ងារអង្គការសហប្រជាជាតិ ព្រមានអំពីគ្រោះទុរ្ភិក្ស ដែលកំពុងកើតមានឡើង។