រុស្ស៊ី ៖ អភិបាលតំបន់ បានប្រកាសថា សាលារៀន និងមហាវិទ្យាល័យទាំងអស់ នៅក្នុងផ្នែកខ្លះនៃតំបន់ បែលហ្គោរូដ (Belgorod)នៃប្រទេសរុស្ស៊ី នឹងត្រូវបិទ នៅថ្ងៃចន្ទ និងថ្ងៃអង្គារ បន្ទាប់ពីការកើនឡើងនៃការវាយប្រហាររបស់អ៊ុយក្រែន មកលើទឹកដីនេះ។

លោក Vyacheslav Gladkov បានបន្ថែមនៅក្នុងសេចក្តីថ្លែងការណ៍មួយនៅលើបណ្តាញសង្គម Telegramថា ផ្សារទំនើប ក៏នឹងត្រូវបិទនៅថ្ងៃអាទិត្យ និងថ្ងៃចន្ទផងដែរ។ ស្រុកមួយចំនួនដែលរងផលប៉ះពាល់ស្ថិតនៅជាប់ព្រំដែនជាមួយអ៊ុយក្រែន។ ទីក្រុងបែលហ្គោរូដ ខ្លួនឯង ក៏ត្រូវបិទផងដែរ។

ការវាយប្រហារជាញឹកញាប់ បាននាំសង្គ្រាមនៅអ៊ុយក្រែនដល់ប្រជាជនរុស្ស៊ីភាគច្រើន ដែលនៅដាច់ឆ្ងាយពីជម្លោះនេះ។

ប្រធានចារកម្មអ៊ុយក្រែន លោក Kyrylo Budanov បាននិយាយកាលពីថ្ងៃសៅរ៍ថា ជនជាតិរុស្ស៊ី ស្ថិតក្នុងចំណោមក្រុមបំផ្លិចបំផ្លាញ ដែលវាយប្រហារតំបន់ Belgorod និង Kursk ដែលជាប់ព្រំដែនអ៊ុយក្រែន។

លោក Budanov បានបញ្ជាក់ថា៖«នេះគឺជារឿងអំពីរបៀបដែលជនជាតិរុស្ស៊ីដោះស្រាយបញ្ហា ក្នុងស្រុកនេះ។ យើងប្រហែលជាចូលចិត្តពួកគេខ្លះច្រើន ហើយអ្នកខ្លះទៀតតិច ប៉ុន្តែទោះជាយ៉ាងណា អ្នកទាំងពីរគឺជាជនជាតិរុស្សី។

ក្នុងអំឡុងពេលផ្សាយមួយ លោកបានបន្ថែមថា ការវាយប្រហារនឹងបន្ត។

សារព័ត៌មានរដ្ឋរុស្ស៊ី RIA Novosti បានរាយការណ៍ថា អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ការវាយប្រហារលើតំបន់ Belgorod និង Kursk ភាគច្រើន មិនបានជោគជ័យទេ ហើយថា ប្រធានាធិបតីរុស្ស៊ី លោកវ្ល៉ាឌីមៀ ពូទីន (Vladimir Putin) បាននិងកំពុងធ្វើបច្ចុប្បន្នភាពជានិច្ចអំពីស្ថានការណ៍នេះ។