អ៊ីស្រាអែលនឹងបញ្ជូនគណៈប្រតិភូជាន់ខ្ពស់ដែលដឹកនាំដោយប្រធានទីភ្នាក់ងាររដ្ឋាភិបាល Mossad របស់ខ្លួនទៅកាន់ប្រទេសកាតា នៅថ្ងៃចន្ទ (ទី១៨ ខែមីនា) ដើម្បីចូលរួមកិច្ចចរចាដែលមានការសម្របសម្រួលជាមួយក្រុមហាម៉ាស ពោលគឺកិច្ចចរចាដែលត្រូវបានរៀបចំឡើង ដើម្បីឲ្យមានបទឈប់បាញ់នៅតំបន់ហ្កាហ្សារយៈពេល ៦សប្តាហ៍ ដែលក្រុមសកម្មប្រយុទ្ធប៉ាឡេស្ទីន នឹងដោះលែងចំណាប់ថ្នូរ ៤០នាក់។

មន្ត្រីបានប៉ាន់ស្មានថា ដំណាក់កាលនៃការចរចានេះអាចចំណាយពេលយ៉ាងហោចណាស់ ២សប្តាហ៍ ដោយលើកឡើងពីការលំបាកដែលគណៈប្រតិភូបរទេសរបស់ក្រុមហាម៉ាស អាចមាននៅក្នុងការទំនាក់ទំនងជាមួយក្រុមនៅក្នុងដែនដីដែលត្រូវបានឡោមព័ទ្ធ បន្ទាប់ពីមានសង្គ្រាមជាង ៥ខែនេះ៕