ចិន៖ ចិន​និយាយ​ថា​ ការ​ដក​កងទ័ព​អាមេរិក​ និង​ណា​តូ​ចេញពី​អា​ហ្វ​ហ្គា​នី​ស្ថាន ​ផ្តល់​ឱកាស​ថ្មី​ដល់​ប្រទេស​នេះ​ក្នុង​ការ​គ្រប់គ្រង​ជោគវាសនា​របស់​ខ្លួន ខណៈ​ដែល​អំពាវនាវ​ឱ្យ​ក្រុម​បះបោរ​តា​លី​បង់កាត់​ផ្តាច់​រាល់​ទំនាក់​ទំនងជា​មួយ​ក្រុម​ភេរវ​ករ​នានា​។

ថ្លែង​កាលពី​ថ្ងៃ​អង្គារ​នៅ​រដ្ឋធានី Dushanbe របស់​ប្រទេស​តា​ហ្ស៊ី​គី​ស្ថាន​ លោក Wang Yi រដ្ឋមន្ត្រី​ក្រសួងការបរទេស​ចិន​បាន​និយាយ​ថា​ សហរដ្ឋអាមេរិក​គួរតែ​ឆ្លុះបញ្ចាំង​ពី​តួនាទី​របស់​ខ្លួន​នៅ​ក្នុង​ប្រទេស​អា​ហ្វ​ហ្គា​នី​ស្ថាន ​បន្ទាប់ពី​ការចូលរួម​សកម្មភាព​យោធា​រយៈពេល ២០​ឆ្នាំ​របស់​ខ្លួន​មិនបាន​នាំមក​នូវ​សន្តិភាព​។​ លោក ​Wang ​បាន​និយាយ​នៅ​ក្នុង​សេចក្ដីប្រកាស​ព័ត៌មាន ដែល​បាន​បង្ហោះ​នៅ​លើ​គេហទំព័រ​ក្រសួងការបរទេស​កាល​ពី​ថ្ងៃ​ពុធ​ថា ខណៈ​ដែល​សហរដ្ឋ​អាមេរិក និង​អង្គការ​ណា​តូ​ចាក​ចេញពី​អា​ហ្វ​ហ្គា​នី​ស្ថាន ​ប្រជាជន​អា​ហ្វ​ហ្គា​នី​ស្ថាន​មានឱកាស​ថ្មី​ដើម្បី​គ្រប់គ្រង​ជោគវាសប្រទេស និង​ប្រជាជន​របស់​ពួកគេ​ទៅ​ក្នុង​ដៃ​របស់​ពួកគេ​”។​

នៅ​ក្នុង​សុន្ទរកថា​ដែល​សំដៅ​លើ​ពួក​តា​លី​បង់ លោក​ Wang Yi បាន​និយាយ​ថា ​ក្រុម​អភិរក្ស​យ៉ាង​ជ្រាល​ជ្រៅ​ គួរតែ​កំណត់​ព្រំដែន​ជាមួយ​កម្លាំង​ភេរវ​ករ​ទាំងអស់ ហើយ​វិលត្រឡប់​ទៅ​រក​ឥទ្ធិពល​នយោបាយ​របស់​អា​ហ្វ​ហ្គា​នី​ស្ថាន​វិញ​ ដោយមាន​អាកប្បកិរិយា​ប្រកបដោយ​ការទទួលខុសត្រូវ​ចំពោះ​ប្រទេស ​និង​ប្រជាជន​៕

អត្ថបទ៖ សុខមាន