​បាល់ទាត់​៖ ​ព្រឹត្តិការណ៍​បាល់ទាត់​ជើងឯក​ទ្វីបអឺរ៉ុប Euro ២០២០ បាន​បញ្ចប់​កាលពី​យប់​ថ្ងៃអាទិត្យ ​ដែល​អ៊ីតាលី​ជា​ជើងឯក​ក្រោយ​យកឈ្នះ​អង់គ្លេស​ដោយ​បាល់ ១១​ម៉ែត្រ​កាត់សេចក្តី​នៅ​វគ្គ​ផ្តាច់ព្រ័ត្រ​។

​​ក្រោយ​បញ្ចប់ UEFA ក៏បាន​បញ្ចេញ​គ្រាប់​បាល់​ដែល​អស្ចារ្យ​ជាច្រើន​គ្រាប់ ដើម្បី​ជ្រើសរើស​ថា​គ្រាប់​បាល់​បញ្ចូល​ទី​១ ណា​ជា​គ្រាប់​បាល់​អស្ចារ្យ​បំផុត​ប្រចាំ​ព្រឹត្តិការណ៍ ​តាមរយៈ​ការបោះ​ឆ្នោត​តាម​ប្រព័ន្ធ​អន​ឡាញ​។ ​គ្រាប់​បាល់​បំប្លោង​ចូល​ទី​ពី​ចម្ងាយ​របស់ Patrick Schick នៅ​ពេល​​ឆេ​ក​យកឈ្នះ​ស្កុ​ត​ឡេ​ន​ក្នុង​វគ្គ​វិល​ជុំ​ក្នុង​ពូ​ល ​គឺជា​គ្រាប់​បាល់​ដែល​ទទួល​បាន​ការបោះ​ឆ្នោត​គាំទ្រ​ច្រើន​បំផុត​ដល់​ទៅ​ជិត ៨០​ម៉ឺន​សំឡេង​គាំទ្រ​។ ​សូម​បញ្ជាក់​ថា​ គ្រាប់​បាល់​ដែល​ត្រូវ​បាន​ជ្រើសរើស​ឱ្យ​បោះឆ្នោត​គាំទ្រ​ក្រៅពី Patrick Schick រួមមាន​៖

-​ ​Paul Pogba ស៊ុត​ឱ្យ​បារាំង​ពេល​ជួប​ស្វ៊ី​ស​

-​ ​Luka Modric ស៊ុត​ឱ្យ​ក្រូ​អាស៊ី​ទល់នឹង​ស្កុ​ត​ឡេ​ន​

-​ ​Lorenzo Insigne ស៊ុត​ឱ្យ​អ៊ីតាលី​ទល់នឹង​ប៊ែ​ល​ហ្ស៊ិ​ក​

-​ ​Kevin de Bruyne ស៊ុត​ឱ្យ​ប៊ែ​ល​ហ្ស៊ិ​ក​ទល់នឹង​ដា​ណឺ​ម៉ាក​

-​ ​Cristiano Ronaldo ស៊ុត​ឱ្យ​ព័រទុយហ្កាល់​ទល់នឹង​ហុង​គ្រី​

-​ ​Alvaro Morata ស៊ុត​ឱ្យ​អេ​ស្ប៉ា​ញ​តាម​ស្មើ​អ៊ីតាលី​

-​ ​Mikkel Damsgaard ស៊ុត​ឱ្យ​ដា​ណឺ​ម៉ាក​នាំមុខ​អង់គ្លេស​

-​ ​Andriy Yarmolenko ពេល​អ៊ុយ​ក្រែ​ន​ជួប​ហូ​ឡង់​

-​ ​Federico Chiesa ស៊ុត​នាំមុខ​ឱ្យ​អ៊ីតាលី​លើ​អេ​ស្ប៉ា​ញ​

​អត្ថបទ​៖​នាង សុភា​វុ​ធ