សម្តេចប៉ាប ហ្វ្រង់ស៊ីស នៅថ្ងៃពុធនេះ បានចេញការអំពាវនាវថ្មីសម្រាប់សន្តិភាពតាមរយៈការចរចា ខណៈដែលព្រះអង្គ បានបដិសេធចំពោះជម្លោះបង្ហូរឈាម នៅអ៊ុយក្រែន និងតំបន់ហ្កាហ្សា ហើយជាថ្មីម្តងទៀតបានកំណត់ការថ្លែងជាសាធារណៈនៅឯកន្លែងជួបជុំប្រចាំសប្តាហ៍របស់ព្រះអង្គនៅទីលាន St Peter's ដោយសារតែបញ្ហាសុខភាពដ៏រ៉ាំរ៉ៃ។

សម្តេចសង្ឃ បានមានព្រះបន្ទូលក្នុងសុន្ទរកថាខ្លីនៅចុងបញ្ចប់នៃការជួបជុំនោះថា៖«យើងមិនគួរភ្លេចថា សង្រ្គាម តែងតែជាការបរាជ័យ យើងមិនអាចបន្តនៅក្នុងសង្រ្គាមបានទេ យើងគួរតែខិតខំប្រឹងប្រែងឲ្យពេញទំហឹង ដើម្បីសម្រុះសម្រួល ចរចាបញ្ចប់សង្រ្គាម ចូរយើងអធិស្ឋានសម្រាប់រឿងនេះ» ដោយលើកឡើងពីការរងទុក្ខពីសង្គ្រាមនៅអ៊ុយក្រែន និងជម្លោះអ៊ីស្រាអែល-ប៉ាឡេស្ទីន។

សម្តេចប៉ាបមានព្រះជន្ម៨៧វស្សាដែលមានបញ្ហាក្នុងការចល័ត និងបានរងទុក្ខក្នុងរយៈពេលប៉ុន្មានសប្តាហ៍ថ្មីៗនេះ ដោយសារជំងឺផ្តាសាយ និងជំងឺរលាកទងសួត ជាថ្មីម្តងទៀតបានរំលងការអានអត្ថបទភាគច្រើនរបស់គាត់ដែលបានរៀបចំទុកជាមុនសម្រាប់អ្នកចូលរួមស្តាប់ព្រះបន្ទូលរបស់ព្រះអង្គ។

ព្រះអង្គ បានផ្ទេរភារកិច្ចនេះទៅឲ្យជំនួយការ ដោយប្រាប់សាសនិកនោះថា ព្រះអង្គ នៅតែត្រូវបង្ខំព្រះ ទ័យកំណត់ការថ្លែងជាសាធារណៈរបស់ទ្រង់។