បុគ្គលិកនៅមន្ទីរពេទ្យមួយក្នុងតំបន់ហ្កាហ្សាបាននិយាយកាលពីថ្ងៃច័ន្ទពីការតស៊ូរបស់ពួកគេខណ:របាយការណ៍មួយដែលគាំទ្រដោយអង្គកាសហប្រជាជាតិ បានផ្សព្វផ្សាយនៅថ្ងៃជាមួយគ្នារួមនឹងការព្យាករណ៍ពីគ្រោះទុរ្ភិក្ស ហើយប្រជាជនជាងពាក់កណ្ដាលនៅក្នុងតំបន់ហ៊ុមព័ទ្ធដែលកំពុងស្ថិតក្នុងសង្រ្គាមបំផ្លិចបំផ្លាញនោះ នឹងត្រូវប្រឈមមុខនឹងគ្រោះមហន្ដរាយអត់ឃ្លានយ៉ាងខ្លាំង។

បាសា អាប់ឌែល កាឌើរ(Bashar Abdel Qader)ជាវេជ្ជបណ្ឌិតស្ម័គចិត្ដម្នាក់នៅឯមន្ទីរពេទ្យអាល់ អាក់សា (Al-Aqsa) ក្នុងសង្កាត់ ដេ អាល់ បាឡាស់ (Deir al-Balah) បាននិយាយថា បុគ្គលិកកំពុងជួបការលំបាក ខណ:ដែលអាហារដែលបានផ្ដល់អោយនោះ គឺជាអាហារូបត្ថម្ភមិនគ្រប់គ្រាន់ឡើយ។

ប្រធានផ្នែកសង្រ្គោះបន្ទាន់លោក ហ្វាត យូសេហ្វ ហ្វាវ៉ាស អាល់ ហាដាត(Fahd Yousef Fawaz Al-Haddad) បាននិយាយថា បុគ្គលិកខ្លះ បានកំពុងស្រកទម្ងន់ និងមិនសូវមានកម្លាំងធ្វើការ សូម្បីតែពីរម៉ោងសើ្ទរតែមិនបានផង។

ទីភ្នាក់ងារផ្ដល់ជំនួយនានាដែលបានរាយការណ៍ពីការកង្វះខាតស្បៀង ថ្នាំសង្កូវ និងទឹកស្អាតដែលកំពុងរាលដាលក្នុងតំបន់ហ្កាហ្សានោះ បាននិយាយថា ខណ:ស្បៀងអាចត្រូវបានគេបញ្ជូនតាមសមុទ្រទៅតំបន់ហ៊ុមព័ទ្ធនោះ គឺពិតជាមិនគ្រប់គ្រាន់ឡើយសំរាប់ទំហំតម្រូវការរបស់ប្រជាជន និងបានទទូចអោយប្រទេស

អ៊ីស្រាអែលអនុញ្ញាតឲ្យមានការដឹកជញ្ជូនជំនួយបន្ថែមទៀតតាមផ្លូវគោក៕