អាជ្ញាធរខណ្ឌ៧មករា បានបន្តចុះអប់រំណែនាំ និងត្រួតពិនិត្យដល់ទីតាំងយានដ្ឋាន ទីតាំង​ប្រកប​អាជីវកម្ម​នូវ​ឧបករណ៍ស៊ីផ្លេ និងបំពង់ស៊ីម៉ាំងកែច្នៃខុស លក្ខណៈបច្ចេកទេស ត្រូវធ្វើការ​បញ្ឈប់​សកម្មភាព​លក់​ជាប​ន្ទាន់ បើពុំដូចនេះទេអាជ្ញាធរ និងចាត់វិធានការផ្លូវច្បាប់។

ការចុះត្រួតពិនិត្យមើលនេះបានធ្វើឡើងនៅព្រឹកថ្ងៃទី២១ ខែមីនា ឆ្នាំ២០២៤ បន្ទាប់​ពី​ទទួល​បាន​សេចក្ដី​ណែនាំរ​បស់សាលារាជធានីភ្នំពេញ លោក ថេង សុថុល អភិបាលខណ្ឌ ៧មករា​បាន​ចាត់​ឲ្យ​មន្ត្រី​ជំនាញ​ពាក់ព័ន្ធ​ចុះ​ត្រួត​ពិនិត្យ​មើល​តាម​យានដ្ឋាន និង​ទីតាំង​ប្រកប​អាជីវកម្ម​កែច្នៃ​បំពង់​ស៊ីមាំង​ខុស​លក្ខណៈបច្ចេកទេស នៅទីតាំងលក់ ជួសជុលម៉ូតូវិញវត្តសំពៅមាស ក្នុងមូលដ្ឋាន សង្កាត់​បឹង​ព្រលឹតខណ្ឌ៧មករា រាជធានីភ្នំពេញ។

ក្នុងការចុះត្រួតពិនិត្យនេះផងដែរប្រជាពលរដ្ឋដែលម្ចាស់យានដ្ឋានក៏ដូចជាម្ចាស់ទីតាំងប្រកបអាជីវកម្មស៊ីផ្លេ និងបំពង់ស៊ីមាំង​កែ​ច្នៃ​ខុស​លក្ខណៈ​បច្ចេក​ទេស​បាន​ចូល​រួម​សហការ​ជាមួយ​អាជ្ញាធរ​ខណ្ឌ​៧​មក​រាយ៉ាងល្អដោយមិនបង្កការលំបាកណាមួយដល់អាជ្ញាធរនោះទេ។

គួរបញ្ជាក់ផងដែរ នៅព្រឹកថ្ងៃទី១៩ ខែមីនា ឆ្នាំ២០២៤ ឯកឧត្តម ឃួង ស្រេង អភិបាលរាជ​ធានី​ភ្នំពេញ​បាន​ចេញ​សេចក្ដីជូនដំណឹង មួយ ស្ដីពីការ ហាមឃាត់ការប្រើប្រាស់ ការតាំងលក់ និង​ការ​កែច្នៃ ស៊ីផ្លេ និងបំពង់ស៊ីម៉ាំងខុសលក្ខណៈបច្ចេកទេស នៅរាជធានីភ្នំពេញ ដោយទុកឱសានវាទ ១​សប្ដាហ៍ ត្រូវធ្វើការបញ្ឈប់សកម្មភាពលក់ជាបន្ទាន់ ក្នុងករណីនៅតែបន្តលក់ឧបករណ៍ ទាំង​នោះ ​អាជ្ញាធរមានសមត្ថកិច្ចនឹងធ្វើការដកហូត ព្រមទាំងបិទទីតាំងអាជីវកម្មតែម្តង៕ អត្ថបទ៖ កុម្ភៈ