ប្រធានាធិបតីអ៊ុយក្រែនលោកវ៉្លូឌីមៀ ហ្សេលិនស្គី កាលពីថ្ងៃពុធ បានទទូចអោយក្រុមមេដឹកនាំពិភពលោក ធ្វើឱ្យសណ្តាប់ធ្នាប់អន្តរជាតិផ្អែកលើច្បាប់ មានប្រសិទ្ធិភាពឡើងវិញ តាមរយៈក្រោកឈរឡើងប្រឆាំងនឹង ការប្រើប្រាស់កម្លាំងរបស់រុស្ស៊ី។

នៅក្នុងសេចក្ដីថ្លែងការមួយតាមវីដេអូ ទៅកាន់សន្និសីទសកលដែលរៀបចំចំដោយប្រទេសកូរ៉េខាងត្បូង លោកហ្សេលិនស្គី ដែលប្រទេសរបស់លោក ត្រូវបានចូលវាយលុកដោយប្រទេសរុស្ស៊ីក្នុងឆ្នាំ២០២២នោះ បាននិយាយថា ប្រទេសនិងតំបន់ជាច្រើនរបស់ពិភពលោក នឹងបានប្រយោជន៍ពីការស្ដារឡើងវិញនូវវិធានច្បាប់ពិភពលោក។

ក្រុងគីវនិងដៃគូរលោកខាងលិចរបស់ខ្លួន បានចោទប្រកាន់រុស្ស៊ីថា កំពុងប្រើប្រាស់លេសក្លែក្លាយ ដើម្បីធ្វើសង្រ្គាមខុសច្បាប់វាទយកដែនដីបែបអាណានិគមន៍ក្នុងប្រទេសអ៊ុយក្រែន។ រុស្ស៊ីបាននិយាយថា ខ្លួនបានបញ្ជូនទ័ពទៅអ៊ុយក្រែនរយ:ពេល២ឆ្នាំនៅក្នុងប្រតិបត្ដិការសឹកពិសេសនេះគឺ ដើម្បីធានាសន្ដិសុខដល់ប្រទេសរបស់

ខ្លួនផ្ទាល់៕