អំឡុងពេលព្រឹត្ដិការណ៍ថ្មីៗនេះ មានការផ្ដល់សញ្ញាពីការវឹលត្រឡប់របស់ចោរសមុទ្រមកវិញនៅជិតឆ្នេរសមុទ្រ ប្រទេសសូម៉ាលី ។ ពោលគឺនាវាបង់ក្លាដេស១គ្រឿងដែលមានឈ្មោះ អាប់ឌុលឡាស់ (Abdullah) ត្រូវបានប្លន់ដោយចោរសមុទ្រសូម៉ាលី ដែលមានគ្នា១២នាក់ នៅក្នុងទីតាំងរបស់ពួកគេនៅ ភាគខាងលិចមហាសមុទ្រឥណ្ឌា។

បន្ទាប់ពីការឡើងតោងចូលទៅក្នុងនាវាមក ក្រុមចោរសមុទ្របានចាប់កាពីទែន និងកាពីទែនរង ធ្វើជាចំណាប់ខ្មាំង ។ សញ្ញាប្រកាសអាសន្នមួយបានបញ្ជូនចេញនៅពេលមុននេះ បានបង្ហាញថាពុំមានប្រសិទ្ធភាព។

ការប្លន់នាវានេះ គឺជាការប្លន់ថ្មីបំផុតក្នុងកម្រិតមួយដ៏ខ្ពស់នៃឧបទ្ទវហេតុចោរសមុទ្រក្នុងតំបន់ដែលជាការដាក់បន្ថែមសម្ពាធលើក្រុមហ៊ុនដឹកជញ្ជូនផ្លូវទឹកដែលបានជួបការលំបាករួចទៅហើយ ដោយសារតែមានការវាយប្រហារពីយានដ្រូន និងមីស៊ីលនៅក្នុងដែនទឹកដែលនៅក្បែរនោះ។

អ្នកវិភាគមានជំនឿថា ចោរសមុទ្រដែលបានកើនឡើងនេះ ដោយសារតែទីភ្នាក់ងារសន្ដិសុខអន្ដរជាតិ កំពុងផ្ដោតតែទៅលើជម្លោះផ្សេងទៀត ក្នុងពិភពលោក ដូចជា ការវាយប្រហាររបស់ពួកហ៊ូធីក្នុងសមុទ្រក្រហម ដែលកាលពីមុនក្រុមពួកគេគ្រប់គ្រងចោរសមុទ្រ បានតាមរយ:ការល្បាតកងវាចរណ៍ដែលមានការសម្របសម្រួល និងបានបន្ថែមនូវវិធានការសន្ដិសុខលើនាវានានានោះ៕