ក្រុមហ៊ុនវារីអគ្គិសនីរដ្ឋរបស់ប្រទេសអ៊ុយក្រែន បាននិយាយកាលពីថ្ងៃសុក្រថា រុស្ស៊ីបានវាយប្រហារទំនប់ទឹកដ៏ធំបំផុតរបស់អ៊ុយក្រែន Dnipro HES នៅតំបន់ហ្សាប៉ូរីហ្សា( Zaporizhzhia) ប៉ុន្តែមិនមានហានិភ័យនៃការរំលោភនោះទេ ខណៈដែលហេដ្ឋារចនាសម្ព័ន្ធថាមពលនៅក្នុងតំបន់ផ្សេងទៀត ក៏ត្រូវបានវាយប្រហារផងដែរ។

ក្រុមហ៊ុន Ukrhydroenerho ដែលគ្រប់គ្រងបណ្តាញទំនប់ទឹកអ៊ុយក្រែន បាននិយាយថា៖«បច្ចុប្បន្នមានអគ្គិភ័យនៅស្ថានីយវារីអគ្គិសនីនេះ។ សេវាកម្មសង្គ្រោះបន្ទាន់ និងបុគ្គលិកថាមពល កំពុងធ្វើការនៅនឹងកន្លែង ដោយដោះស្រាយផលវិបាកនៃការវាយប្រហារតាមអាកាសជាច្រើន»។

រដ្ឋមន្ត្រីថាមពលអ៊ុយក្រែន លោក Herman Halushchenko បាននិយាយថា វាគឺជាការវាយប្រហារដ៏ធំបំផុតលើហេដ្ឋារចនាសម្ព័ន្ធថាមពលរបស់ប្រទេសអ៊ុយក្រែន នាពេលថ្មីៗនេះ។

លោកបានសរសេរនៅលើហ្វេសប៊ុកថា៖«គោលដៅមិនមែនគ្រាន់តែបំផ្លាញទេ ប៉ុន្តែត្រូវព្យាយាមម្តងទៀត ដូចកាលពីឆ្នាំមុនដែរ ដើម្បីបណ្តាលឲ្យមានការខូតខាតទ្រង់ទ្រាយធំដល់ប្រព័ន្ធថាមពលរបស់ប្រទេសនេះ»។

នៅតំបន់ Khmelnytskyi ភាគខាងលិច ទូរទស្សន៍ Supilne បានដកស្រង់សម្តីមន្ត្រីក្នុងតំបន់ថា មនុស្សម្នាក់ ត្រូវបានសម្លាប់ និង ជាច្រើននាក់ផ្សេងទៀតរងរបួស ដោយសារការវាយប្រហាររបស់រុស្ស៊ីដែលបានបំផ្លាញហេដ្ឋារចនាសម្ព័ន្ធសំខាន់ៗ។