ការផ្ទុះជាច្រើនត្រូវបានគេឮនៅតំបន់ប្រជុំជនជាប់ព្រំដែនក្នុងតំបន់ហ្កាហ្សាស្ទ្រីប នៅព្រឹកថ្ងៃសុក្រនេះ ខណ:ដែលប្រទេសនានាបន្ដពិភាក្សាបទឈប់បាញ់រវាងក្រុមសកម្មប្រយុទ្ធប៉ាឡេស្ទីនហាម៉ាស និង

អ៊ីស្រាអែលបន្ទាប់ពីសង្រ្គាមរយៈពេលជាច្រើនខែមកនេះ។

ការផ្ទុះជាបន្ដបន្ទាប់ និងផ្សែងខ្មៅបានហុយឡើងទៅលើ និងបានគ្របដណ្ដប់ពីលើគំនរបាក់បែកនៅព្រំដែនប៉ែកខាងជើងនៃតំបន់ហ៊ុមព័ទ្ធដែលមានការប្រយុទ្ធគ្នានេះ។

ប្រធានចារកម្មអ៊ីស្រាអែលគ្រោងនឹងធ្វើដំណើរទៅប្រទេសកាតានៅថ្ងៃសុក្រនេះ ដើម្បីចរចាមានបទឈប់បាញ់ ខណ:ដែលសហរដ្ឋអាមេរិក មានផែនការដាក់ឱ្យស្នើឡើងនូវសេចក្តីសម្រេចអំពាវនាវឱ្យមានបទឈប់បាញ់បន្ទាន់នៅក្នុងតំបន់ហ្កាហ្សាដើម្បីយកទៅបោះឆ្នោតនៅក្នុងក្រុមប្រឹក្សាសន្ដិសុខ និងកំពុងបង្កើនសម្ពាធលើសម្ព័នមិត្ដរបស់ខ្លួន។

ចំណុចដែលពាក់ព័ន្ធសំខាន់នេះ បានធ្វើឱ្យក្រុមហាម៉ាសនិយាយថា ខ្លួននឹងដោះលែងចំណាប់ថ្នូរ គ្រាន់តែជាផ្នែកមួយនៃកិច្ចព្រមព្រៀងបញ្ចប់សង្រ្គាម ខណ:ដែលអ៊ីស្រាអែលនិយាយថាខ្លួននឹងពិភាគ្សាតែទៅលើបទឈប់បាញ់បណ្ដោះអាសន្នប៉ុណ្ណោះ៕