​ប្រេ​ស៊ី​ល៖ មន្ត្រី​សុខាភិបាល​នៅ​រដ្ឋធានី​ប្រទេស​ប្រេ​ស៊ី​ល​បាន​និយាយថា ​ពួកគេ​មានការ​ព្រួយបារម្ភអំពី​វីរុស​ប​ម្លែង​ខ្លួន​ថ្មី ​Delta ដែល​បច្ចុប្បន្ន​ត្រូវ​បាន​រក​ឃើញ​នៅ​ក្នុង​ទីក្រុង Rio។​ ​ប៉ុន្តែ​មាន​សុទិដ្ឋិនិយម​ថា ​ពួកគេ​អាច​ទប់ស្កាត់​ផល​ប៉ះពាល់​ធ្ងន់ធ្ងរ​បំផុត ​ដោយ​ការ​ចាក់​វ៉ាក់សាំង​ដល់​ប្រជាជន​ឱ្យ​បាន​លឿន​បំផុត​។

ក្រុម​មន្ត្រី​បាន​និយាយ​ថា ​ពួកគេ​បាន​ចាក់​វ៉ាក់សាំង​ចំនួន ​៦៨% ​នៃ​ចំនួន​ប្រជាជន​យ៉ាងហោចណាស់​ដូ​ស​ទី​១​ នៃ​វ៉ាក់សាំង​បង្ការ​វីរុស Covid-19 ដោយ​ប្រើ​វ៉ាក់សាំង​ក្រុមហ៊ុន Pfizer, Astrazeneca និង Coronavac ដែល​ពួកគេ​និយាយ​ថា​ បាន​បង្ហាញ​ពី​ប្រសិទ្ធភាព​ប្រឆាំង​នឹង​វីរុស​ប​ម្លែងថ្មី​ Delta ដែល​កំពុង​រាលដាល​ខ្លាំង​។​ ​ក្រុម​មន្ត្រី​បាន​និយាយ​ថា ​វីរុសប​ម្លែង​ខ្លួន​ថ្មី Gamma ត្រូវ​បាន​គេ​រក​ឃើញ​ដំបូង​នៅ​ទីក្រុង​មាត់សមុទ្រ​ Manaus ប្រទេស​ប្រេ​ស៊ី​ល​កាលពីដើម​ឆ្នាំនេះរហូតមកដល់​ពេលនេះ ​នៅ​ក្នុង​ប្រទេស​អាមេរិក​ខាងត្បូង​ដោយមាន​កំណើន​អ្នក​ស្លាប់​ដោយសារ​វីរុស​ចម្លង​ខ្ពស់​បំផុត​ទី២ ​នេះ​។

​ប៉ុន្តែ​ពួកគេ​និយាយ​ថា វីរុស​ប​ម្លែង​ខ្លួន​ថ្មី​ Delta បាន​ឃើញ​រាលដាល​ខ្លាំង​ត្រូវ​បាន​កំណត់​អត្តសញ្ញាណ​ដំបូង​នៅ​ក្នុង​ប្រទេស​ឥណ្ឌា ទោះបីជា​មិនទាន់​ដឹង​ថា ​តើ​វា​រីក​រាល​ដាល​យ៉ាងដូច​ម្ដេច​ក៏​ដោយ​។​ ក្រសួងសុខាភិបាល​ប្រេ​ស៊ី​ល​និយាយ​ថា ​ក្រសួង​បាន​រក​ឃើញ​វីរុស​ប​ម្លែង​ខ្លួន​ថ្មី Delta នៅ​ទីក្រុង Sao Paulo និង Recife ព្រមទាំង​ទីក្រុង Rio៕​

អត្ថបទ៖ ប៊ុនថន