នៅថ្ងៃទី២៣ ខែមីនា ឆ្នាំ២០២៤នេះ តំណាងក្រសួងការងារ និងបណ្តុះបណ្តាលវិជ្ជាជីវៈ បាន​នាំ​យក​ប្រាក់ឈ្នួល និងប្រាក់អត្ថប្រយោជន៍ផ្សេងជូន អ្នកស្រី សាន សុផល ដែលជាកម្មការិនី នៃ​ក្រុមហ៊ុន Y & W ដែលទើបសម្រាលបុត្រនៅមន្ទីរពេទ្យស្រឡាញ់ទារក ឬពេទ្យជប៉ុន។

អ្នកស្រីសាន សុផល បានថ្លែងអំណរគុណចំពោះការយកចិត្តទុកដាក់របស់រាជរដ្ឋាភិបាល និង​ក្រសួង​ការងារ ដោយបានយកថវិកាមកដល់មន្ទីរពេទ្យផ្ទាល់ជូនអ្នកស្រី។ អ្នក​ស្រី​ពិត​ជា​មាន​អារម្មណ៍​រំភើប​ចំពោះកាយវិការទន់ភ្លន់ និងច្បាស់លាស់​ក្នុង​ការ​ដោះស្រាយ​អត្ថ​ប្រយោជន៍​ជូន​បង​ប្អូន​កម្មករ​និយោជិតរបស់ក្រសួង។

សូមបញ្ជាក់ថា ចាប់តាំងពីរសៀលថ្ងៃទី២២ ខែមីនា ឆ្នាំ២០២៤ ដល់ថ្ងៃទី២៣ ខែមីនា នេះ ក្រសួង​ការងារ និងបណ្តុះបណ្តាលវិជ្ជាជីវៈ បានផ្តើមបើកប្រាក់ឈ្នួល និងប្រាក់បំណាច់​ផ្សេង​ៗ​ជូន​កម្មក​រនិយោជិតនៃក្រុមហ៊ុន Y & W បានចំនួន ៣៧២៨នាក់ រួចមកហើយ៕