ខ្មាន់កាំភ្លើង៤នាក់ បានដើរសសៀរឆ្ពោះ​ទៅកន្លែង​ត្រួត​ពិនិត្យ​រក​អាវុធ​ជាតិ​ផ្ទុះ​នៅ​ឯ​សាលា​ក្រុង​ក្រូឃើស (Crocus City Hall) និងបានបាញ់ប្រហារជាមួយនឹងអាវុធស្វ័យប្រវត្ដិរបស់ពួកគេ ដែល​បង្ក​ឱ្យមានភាពរំជើបរំជួល និងការភ័យខ្លាច​ដល់​ជន​ស៊ីវិល​ដែល​កំពុង​ស្រែក​ឆោ​ឡោ​នៅ​ពេល​ដែល គ្រាប់ភ្លើងធ្លាក់យ៉ាងច្រើនកាលពីថ្ងៃសុក្រនោះ។

មនុស្ស១៤៣នាក់បានស្លាប់ និងជាច្រើននាក់ទៀតរងរបួស នៅក្នុងការវាយ​ប្រហារ​ដោយ​បង្ហូរ​ឈាម​ខ្លាំង​បំផុត​ដែល​មិន​ធ្លាប់​មាន​ក្នុង​ប្រទេស​រុស្ស៊ីចា​ប់​តាំង​ពី​មាន​ការ​ឡោម​ព័ទ្ធ​សាលា​រៀន​បេស​ឡាន(Beslan)ក្នុងឆ្នាំ២០០៤មក ។

សេវាសន្ដិសុខសហព័ន្ធឬ (FSB) បាននិយាយថា មនុស្ស១១នាក់ ក្នុងនោះរួមមាន អ្នក​វាយ​ប្រហារ​៤នាក់ ដែលជាជនសង្ស័យ ត្រូវបានចាប់ខ្លួន ក្នុងតំបន់ព្រីយ៉ាន់ (Bryansk) ចម្ងាយ​ប្រមាណ​ជា​៣៤០គីឡូម៉ែតភាគនិរតីក្រុងម៉ូស្គូ ខណ:ដែលពួកគេកំពុងធ្វើដំណើរឆ្ពោះទៅព្រំដែន ទៅ​លើអ្វីដែលគេបានរំពឹងរត់គេចខ្លួនទៅប្រទេសអ៊ុយក្រែននោះ។ ចំណែក​ក្រុង​គីវ​បាន​បដិសេធន៍​ថា​មិនមានការជាប់ពាក់ព័ន្ធណាមួយនៅក្នុងការវាយប្រហារនោះទេ៕ អត្ថបទ៖ មករា