ព្យុះដ៏ខ្លាំងក្លានៅតាមតំបន់ឆ្នេរ បានធ្វើឱ្យមានទឹកជន់លិច ក្នុងអំឡុងពាក់កណ្ដាលចុងសប្តាហ៍ ដោយ​មាននឹងភ្លៀងធ្លាក់ និងខ្យល់បក់បោកយ៉ាងខ្លាំងពាសពេញច្រករបៀងអរន្តរដ្ឋ ៩៥ (Interstate 95) ភាគភាគឦសាន ខណៈព្រិលធ្លាក់ខ្លាំងនៅរដ្ឋ New England ។

ភ្លៀង​បានចាប់ផ្តើមធ្លាក់ពាសពេញតំបន់មាត់សមុទ្រកាលពីព្រឹកថ្ងៃសៅរ៍ ហើយ​បាន​បង្កើន​កម្រិត​កាន់​តែ​ខ្លាំងរហូតដល់ពេលរសៀល និងពេលល្ងាច ខណៈ​ចំណុច​កណ្ដាល​របស់​ព្យុះ​នេះ​បាន​បោក​បក់​ចេញ​ពីទីក្រុងញូវយ៉ក និងទីក្រុង បូស្តុន។ 

ព្រិលធ្លាក់​កម្រាស់ ២ហ្វីត បានគ្រប់ដណ្ដប់នៅរដ្ឋ New England ។

យោងតាមទិន្នន័យ​ពី PowerOutage.us បានឱ្យដឹងថា ការរួមបញ្ចូលគ្នានៃកម្លាំងខ្យល់បក់ខ្លាំង និងទឹកភ្លៀង បានបង្កឱ្យមានការដាច់ចរន្តអគ្គិសនីដល់លំនៅឋានប្រជាពលរដ្ឋយ៉ាងហោចណាស់ ២សែនខ្នង។ 

ការកើនឡើងយ៉ាងខ្លាំងនៃការដាច់ចរន្តអគ្គិសនី គឺស្ថិតនៅក្នុងទីក្រុងញូវយ៉ក និងរដ្ឋម៉េន​(Maine) ដែលតំបន់ទាំងពីរនេះ បានមើលឃើញខ្យល់បោកបក់ និងភ្លៀងធ្លាក់ខ្លាំង៕