លោក Jason Owens ប្រធានល្បាតព្រំដែនសហរដ្ឋអាមេរិក បាននិយាយថា អ្នករត់ពន្ធជនអន្តោប្រវេសន៍ កំពុងទាញយកផលប្រយោជន៍ពីភាពងាយរងគ្រោះ នៅព្រំដែនភាគខាងត្បូង និងសារៈសំខាន់ដែលមន្ត្រី អាមេរិក ដាក់លើការឆ្លើយតបទៅនឹងបញ្ហាមនុស្សធម៌។

នៅក្នុងបទសម្ភាសន៍មួយដែលបានចាក់ផ្សាយកាលពីថ្ងៃអាទិត្យនៅលើកម្មវិធី “Face the Nation” របស់ សារព័ត៌មាន CBS News លោក Owens បាននិយាយថា ក្រុមអ្នករត់ពន្ធ «ពិតជា» កំពុងកំណត់គោលការណ៍នៃការជួបជុំ នៅព្រំដែនភាគខាងត្បូង ដោយបន្ថែមថា៖«ពួកគេកំណត់ថាតើលំហូរនឹងទៅជាយ៉ាងណា ហើយយើងឆ្លើយតបទៅវាបែបណា?»។

លោក Owens បានបន្តថា៖ «បន្ទាប់មកយើងព្យាយាមចេញទៅប្រឈមនឹងសកម្មភាពនោះមក ហើយបដិសេធមិនឲ្យពួកគេប្រើប្រាស់តំបន់ទាំងនេះ ជាពិសេសកន្លែងដែលយើងគិតថា នឹងមានគ្រោះថ្នាក់សម្រាប់យើង និងសម្រាប់ជនអន្តោប្រវេសន៍»។ ប៉ុន្តែនៅចុងបញ្ចប់នៃការល្បាតនៅថ្ងៃនោះ មានព្រំដែនប្រវែងជាង១.៩០០ម៉ាយជាមួយប្រទេសម៉ិកស៊ិក។

លោកបាននិយាយថា ការងារនេះ ពិបាកនឹងទទួលបានជោគជ័យណាស់ ទោះបីជាមានភ្នាក់ងារល្បាតព្រំដែនចំនួន ២ម៉ឺននាក់ ត្រូវបានដាក់ពង្រាយឲ្យល្បាតគ្រប់ទីកន្លែង នៅតាមព្រំដែនភាគខាងត្បូង ក្នុងពេលតែមួយក៏ដោយ។

«យុទ្ធសាស្ត្រ គឺថា ពួកគេនឹងជំរុញក្រុមឲ្យឆ្លងកាត់ដោយដឹងថា យើងនឹងឆ្លើយតបតាមទស្សនៈមនុស្សធម៌ និងត្រូវប្រាកដថា ពួកគេមានសុវត្ថិភាព ហើយខណៈដែលយើងកំពុងបន្តធ្វើការងារនេះ តើពួកគេកំពុងធ្វើអ្វី នៅលើផ្លូវចម្ងាយពីរបីម៉ាយនោះ?

លោក Owens បាននិយាយថា ចំនួននៃអ្វីដែលហៅថា ការគេចវេះ អ្នកដែលកំពុងព្យាយាមយ៉ាងសកម្មដើម្បីគេចពីការអនុវត្តច្បាប់ ហើយមិនត្រូវបានចាប់ខ្លួនភ្លាមៗសម្រាប់ហេតុផលផ្សេងគ្នា គឺជាអ្វីដែលលោកព្រួយបារម្ភបំផុតអំពីសន្តិសុខនៅព្រំដែនភាគខាងត្បូង ដោយហៅវាថា ជា «ការគំរាមកំហែងសន្តិសុខជាតិ។