សហរដ្ឋអាមេរិក និងប្រទេសជប៉ុន នឹងបង្ហាញនូវផែនការមួយនៅខែក្រោយ ពីការសាងសង់ឡើងវិញនូវបញ្ជាការយោធាអាមេរិក នៅក្នុងប្រទេសនេះ នៅក្នុងការប្រឈមនឹងការព្រួយបារម្ភរួមចំពោះប្រទេសចិន។

គេនិយាយថា ក្រុងវ៉ាស៊ិនតោនអាចតែតាំងមេបញ្ជាការជាន់ខ្ពស់មួយរូបដើម្បីឱ្យត្រួតពិនិត្យមើលអង្គភាពរបស់ខ្លួននៅទីនោះ ខណ:ដែលសមភាគីប្រមុខទីបញ្ជាការកងកម្លាំងស្វ័យការពារជាតិជប៉ុន បានស្នើឱ្យមានការត្រួតពិនិត្យទាំងអស់ទៅលើប្រតិបត្ដការយោធារបស់ប្រទេសនេះ។

ឥឡូវនេះ កងទ័ពអាមេរិកក្នុងប្រទេសជប៉ុនដែលដឹកនាំដោយឧត្ដសេនីយផ្កាយបី មិនមានសិទ្ធិបញ្ជារលើកងទ័ពក្នុងស្រុកឡើយ។

ដោយឡែក ក្នុងប្រទេសកូរេខាងត្បូងជិតខាង កងទ័ពក្នុងស្រុកនិងកងទ័ពអាមេរិកអាចធ្វើប្រតិបត្ដការរួមគ្នារួចទៅហើយដោយស្ថិតនៅក្រោមបញ្ជាការរួបរបស់មេបញ្ជាការផ្កាយ៤ម្នាក់។

នៅថ្ងៃច័ន្ទនេះ ប្រមុខគណ:រដ្ឋមន្រ្ដីជប៉ុនលោក យ៉ូស៊ីម៉ាសា ហាយ៉ាស៊ី(Yoshimasa Hayashi) បាននិយាយថា ការពិភាគ្សាជាច្រើន គឺរិ:រកវិធីធ្វើយ៉ាងណា ដើម្បីពង្រឹងកិច្ចសហប្រតិបត្ដិការជាមួយសហរដ្ឋអាមេរិក និងកូរ៉េខាងត្បូង។

លោកបាននិយាយថា របៀបវារ:សំរាប់ជំនួបកំពូលខាងមុខរវាង ប្រធានាធិបតីអាមេរិកចូបៃឌិន (Joe Biden)និងនាយករដ្ឋមន្រ្ដីជប៉ុនហ្វូមីអូ ឃីស៊ីដា (Fumio Kishida)មមិនទាន់បានចាប់ផ្ដើមនៅ

ឡើយទេ។

សេចក្ដីរាយការរបស់ប្រព័ន្ធផ្សព្វផ្សាយមុននេះ បាននិយាយថា ក្រសួងការពារជាតិមានផែនការនឹងដាក់បង្ហាញនូវរបៀបវារ:នៅឯកិច្ចប្រជុំក្នុងក្រុងវ៉ាស៊ិនតោននៅខែមេសាខាងមុខ។

សហរដ្ឋអាមេរិក បានគាំទ្រពេញទំហឹងទៅលើការបង្កើនវិស័យការពារជាតិដ៏ធំរបស់ជប៉ុន ក៏ដូចជាសកម្មភាពយោធា និងសន្ដិសុខ រវាងសហរដ្ឋអាមេរិក និងសម្ព័នមិត្ដអាស៊ីដ៍ធំរបស់ខ្លួនមួយនេះផងដែរ។

ក្រុងតូក្យូថ្មីៗនេះ បានហៅការចំណាយលើកម្លាំងយោធាចិនដ៏ឆាប់រហ័សថា ជាការព្រួយបារម្ភយ៉ាងខ្លាំងសម្រាប់ប្រទេសជប៉ុន ហើយនិងសហគមន៍អន្ដរជាតិ៕