ទូរទស្សន៍ Press TV ផ្លូវការរបស់អ៊ីរ៉ង់ បានរាយការណ៍ថា មេដឹកនាំក្រុមហាម៉ាស Ismail Haniyeh នឹងធ្វើដំណើរទៅកាន់ទីក្រុងតេអេរ៉ង់នៅថ្ងៃអង្គារនេះ ដើម្បីជួបជាមួយមន្ត្រីអ៊ីរ៉ង់ មួយថ្ងៃបន្ទាប់ពីក្រុមប្រឹក្សាសន្តិសុខអង្គការសហប្រជាជាតិ បានអនុម័តសេចក្តីសម្រេចទាមទារឲ្យមានបទឈប់បាញ់ជាបន្ទាន់ រវាងអ៊ីស្រាអែល និងក្រុមប៉ាឡេស្ទីន។

អ៊ីរ៉ង់បានគាំទ្រក្រុមហាម៉ាសនៅក្នុងសង្គ្រាមជិត៦ខែ ជាមួយអ៊ីស្រាអែល ដែលបានសម្លាប់ជនជាតិប៉ាឡេស្ទីនជាង ៣២.០០០នាក់ នៅតំបន់ហ្កាហ្សា។

វានឹងជាដំណើរទស្សនកិច្ចលើកទីពីររបស់លោក Haniyeh ទៅកាន់ប្រទេសអ៊ីរ៉ង់ ចាប់តាំងពីការផ្ទុះសង្រ្គាម នៅថ្ងៃទី៧ ខែតុលា។

អ្នកនាំពាក្យក្រសួងការបរទេសអ៊ីរ៉ង់លោក Nasser Kanaani បានហៅសេចក្តីសម្រេចកាលពីថ្ងៃចន្ទថា ជា «ជំហានវិជ្ជមាន»។

លោក Kanaani បាននិយាយថា៖«ជំហានសំខាន់ជាងនេះ គឺសកម្មភាពប្រកបដោយប្រសិទ្ធភាពសម្រាប់ការអនុវត្ត»។

ក្រុមហាម៉ាស បានស្វាគមន៍ចំពោះដំណោះស្រាយរបស់អង្គការសហប្រជាជាតិ ប៉ុន្តែបាននិយាយថា បទឈប់បាញ់ ត្រូវតែមានជាអចិន្ត្រៃយ៍។

សហរដ្ឋអាមេរិក បានបដិសេធមិនឲ្យមានការបោះឆ្នោតរបស់អង្គការសហប្រជាជាតិ ដែលបង្កឲ្យមានជម្លោះជាមួយអ៊ីស្រាអែលដែលជាសម្ព័ន្ធមិត្តរបស់ខ្លួន។