ពលរដ្ឋក្រុងមូស្គូជាច្រើននាក់ បានទៅមណ្ឌលផ្ដល់ឈាម ដើម្បីបរិច្ចាគនិងសម្ដែងការគាំទ្រ ហើយនិងសាមគ្គីភាពរបស់ពួកគេជាមួយប្រជាជនរងរបួសពីការវាយប្រហាររបស់ពួកភេរវជនកាលពីថ្ងៃសុក្រនៅឯសាលប្រគុំដត្រ្ដីមួយនៅភាគពាយព្យក្រុងមូស្គូ។

អ្នកបរិច្ចាគឈាមជាច្រើននាក់ បាននិយយថា ពួកគេមានអារម្ភសោកស្ដាយចំពោះគ្រោះរងគ្រោះ និងបានស្ម័គចិត្ដផ្ដល់ឈាមដើម្បីប្រាប់ជនរងគ្រោះ និងអ្នករបួស នៅក្នុងការវាយប្រហារភេរវកម្មថា ពួកគេគឺមិនឯកោឡើយ។

លោកឡេអូនីត ប៊ូស៊ីវ (Leonid Bushiev) ជាអ្នកជំនាញព័ត៌មានវិទ្យាម្នាក់ឬ (IT)ដំបូងលោកមិនទាន់ជឿទេ ប៉ុន្ដែប៉ុស្ដិទូរទស្សន៍ជាច្រើនបានបញ្ជាក់ពីដំណឹងនេះ។ ហើយលោកបានមើលពត៌មាននេះរហូតដល់ម៉ោង១យប់។

លោក ជចជី យ៉ាន់កូវស្គី (Georgy Yankovsky) ជាតន្រ្ដីករម្នាក់ បាននិយាយថា លោកថាមានវាយប្រហាររបស់ភេរវជនកំពុងចាប់ផ្ដើម។ លោកមិន បានស្ថិតនៅកន្លែងកើតហេតុ ប៉ុន្ដែបានដឹងពីព័ត៌មានគេផ្សាយ។

អ៊ីរីណា ទីឆិនកូ (Irina Tyschenko) ជានិស្សិតម្នាក់ បាននិយាយថា នាងពិតជាមានការតក់ស្លុត។ នាងបានឮព័ត៌មាននេះពីម្ដាយរបស់នាង ហើយបន្ទាប់ពីបានអានពត៌មានមរួចមក នាងពិតជាតក់ស្លុត។ នាងបន្ដថា នាងពិតជាមានការសោកស្ដាយចំពោះគ្រួសាររងគ្រោះ ហើយពិតជាចង់ជួយពួកគេ។ នេះជាលើកដំបូងរបស់នាង ដែលបានមកបរិច្ចាគឈាម។

លោកអាឡិចសិនឌើរ បាសទ្រីគីន (Alexander Bastrykin) ប្រធានគណ:កម្មាការស៊ើបអង្កេតរុស្ស៊ី បាននិយាយកាលពីថ្ងៃច័ន្ទថា ចំនួនអ្នកស្លាប់ពីការវាយប្រហារភេរវកម្មបានកើនឡើងដល់១៣៩នាក់ហើយ៕