ភ្នំពេញ ៖ នាថ្ងៃទី ២៧ ខែមីនា ឆ្នាំ២០២៤នេះ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បានទទួលជួបសវនការ ជាមួយប្រធានក្រុមហ៊ុន INTRACO របស់វៀតណាម ដែលដឹកនាំដោយលោក ហ័ង អាន់ឌុង ដើម្បីពិភាក្សាការងារ ស្តីពីកិច្ចសហប្រតិបត្តិការមនុស្សធម៌ រវាងក្រុមហ៊ុនវៀតណាម និងកាកបាទក្រហមកម្ពុជា ដែលពិធីនេះធ្វើឡើងនៅ ទី ស្នាក់ការកណ្តាល កាកបាទក្រហមកម្ពុជា។

ក្នុងជំនួបខាងលើនេះ លោក ហ័ង អាន់ឌុង ប្រធានក្រុមហ៊ុន INTRACO បានជម្រាបជូនថា នេះជាលើកដំបូងហើយដែលគណៈប្រតិភូ បានមកទស្សនកិច្ចផ្ទាល់ នៅទីស្នាក់ការកណ្តាល កាកបាទក្រហមកម្ពុជា។ លោកបានបញ្ជាក់ថា ការអញ្ជើ ញមកនេះ មានគោលបំណងធ្វើកិច្ចសហប្រតិបត្តិការជាមួយ កាកបាទក្រហមកម្ពុជា ក្នុងការផ្តល់ជាធុងចម្រោះទឹកស្អាតជូន ដល់ប្រជាពលរដ្ឋកម្ពុជាដែលរស់នៅតាមទីជនបទ។ ជាពិសេសលោកមានគម្រោងសាងសង់ស្ថានីយចម្រោះទឹកស្អាត នៅតាម សាលារៀន ដែលខ្វះខាត់ទឹកស្អាតប្រើប្រាស់តែម្តង។ លោកប្រធានក្រុមហ៊ុន INTRACO បន្តថា គម្រោងខាងលើនេះ មានតែ តាមរយៈកាកបាទក្រហមកម្ពុជានោះទេ ដែលមានលទ្ឋភាពជ្រើសរើសគោលដៅ និងសាលារៀនដែលមានតម្រូវការទឹកស្អាត។ បន្ថែមពីលើនោះក្រុមហ៊ុន និងផ្តល់ជូនបន្ថែម នូវអណ្តូងស្នប់ទៀត ប្រសិនបើមានកណីចាំបាច់ នៅតាមគោលដៅនីមួយៗ។  

ជាកិច្ចឆ្លើយតបលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បានបញ្ជាក់ថា ការងារ នេះ វាពិតជាឆ្លើយតបទៅនិងប្រធានបទរបស់ កាកបាទក្រហមកម្ពុជា នៅក្នុងឆ្នំា២០២៤នេះ។ លោកជំទាវឱ្យដឹងថា ជាដំបូង ការងារនេះ គឺខាងក្រុមហ៊ុនវៀតណាម ត្រូវរៀបចំជាលិខិតស្នើសុំមក កាកបាទក្រហមកម្ពុជា។ ដោយឡែក កាកបាទ ក្រហមកម្ពុជា និងធ្វើការស្នើសុំគោលការណ៍ពី សម្តេចប្រធាន រួចធ្វើការសិក្សាជាមួយសាខាទាំង២៥ ថាតើយើងគួរផ្តល់អទិភា ពទៅដល់សាខាណា ដែលមានតម្រូវការសាងសង់ស្ថានីយចម្រោះទឹកស្អាតនេះ។ 

ឆ្លៀតក្នុងឱកាសនោះដែរ លោកជំទាវអគ្គលេខាធិការរងទី១ ក៏បានជម្រាបជូនប្រតិភូវៀតណាម អំពីសកម្មភាពការងារ របស់ កាកបាទក្រហមកម្ពុជា ជាពិសេសការងារកន្លងមក ទាក់ទងនិងប្រធានបទ ទិវា៨ឧសភា ឆ្នាំ២០២៤នេះ ដែលកាកបាទ ក្រហមកម្ពុជា បានប្តេជ្ញាចិត្តទៅលើការងារលើកកម្ពស់សុខភាព និងការកសាងភាពធន ទៅនិងការប្រែប្រួលអាកាសធាតុ។ ស្របតាមប្រធានបទ៖ “រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ”។

សូមបញ្ជាក់ថាក្រុមហ៊ុន INTRACO វៀតណាម ក្រៅពីគម្រោងបង្កើតស្ថានីយចម្រោះទឹកស្អាតខាងលើ ក្រុមហ៊ុនក៏មាន បំណងចង់ឱ្យ កាកបាទក្រហមកម្ពុជា ធ្វើការសិក្សាមើលអំពីរបៀបវរ នៃការដំាដើមកោងកាងនៅតាមតំបន់ ដែលត្រូវការពារ និងតំបន់ដែលត្រូវដាំបន្ថែម នៅតាមបណ្តោយមាត់សមុទ្រ ដែលនេះជាជំហ៊ានបន្ទាប់របស់ក្រុមហ៊ុន៕ ​

អត្ថបទ ៖ សំ ងីម​