មនុស្សរាប់ពាន់នាក់ បានតវ៉ានៅទីក្រុងប៊ុយដាប៉ៃស (Budapest) ក្បែរសភាកាលពីថ្ងៃអង្គារ ដោយបានទាមទារឲ្យអគ្គរដ្ឋអាជ្ញា និងលោកនាយករដ្ឋមន្ត្រី វីកទ័រ អ័របាន (Viktor Orban) លាលែងពីតំណែង បន្ទាប់ពីអតីតអ្នកខាងក្នុងរដ្ឋាភិបាល បានចោទប្រកាន់ជំនួយការជាន់ខ្ពស់របស់លោកអ័របានពីបទព្យាយាមជ្រៀតជ្រែកក្នុងសំណុំរឿងពុករលួយ។

ក្រុមបាតុករ បានដើរដង្ហែចេញពីការិយាល័យអគ្គរដ្ឋអាជ្ញា ឆ្ពោះទៅកាន់សភា ដោយស្រែកថា «លាលែង លាលែងពីតំណែង» ដោយមានកាន់ពិលជាច្រើន។

លោក Peter Magyar មុននេះ បានបោះពុម្ពការខ្សែអាត់សំឡេងនៃការសន្ទនាជាមួយលោកស្រី Judit Varga អតីតភរិយារបស់ខ្លួន និងជារដ្ឋមន្ត្រីយុត្តិធម៌នៃប្រទេសហុងគ្រី ដែលលោកស្រី បានរៀបរាប់លម្អិតអំពីការប៉ុនប៉ងរបស់ជំនួយការប្រធានខុទ្ទកាល័យរបស់លោកអ័របាន ដើម្បីដកផ្នែកខ្លះចេញពីឯកសារនៅក្នុងសំណុំរឿងពុករលួយ។

សំណុំរឿងនេះ គឺផ្តោតលើអតីតរដ្ឋលេខាធិការក្រសួងយុត្តិធម៌លោក Pal Volner ដែលត្រូវបានចោទប្រកាន់ក្នុងឆ្នាំ២០២២ ពីបទទទួលសំណូកពីអតីតប្រធានអាជ្ញាសាលា លោក Gyorgy Schadl។ អ្នកទាំងពីរ បានសារភាពថា មិនមានកំហុស។ រដ្ឋអាជ្ញា កំពុងស្វែងរកចាប់អ្នកទាំងពីរដាក់ពន្ធនាគារ។

រដ្ឋអាជ្ញាបាននិយាយនៅក្នុងសេចក្តីថ្លែងការណ៍មួយថា ពួកគេនឹងវិភាគខ្សែអាត់សំឡេងដែលលោក Peter Magyar បាននិយាយថា ខ្លួនបានកត់ត្រានៅក្នុងខែមករា ឆ្នាំ ២០២៣ ហើយភ័ស្តុតាងបន្ថែមទៀត នឹងត្រូវបានប្រមូល។