ក្រុមអាជ្ញាធរបាននិយាយនៅក្នុងសន្និសីទសារព័ត៌មួយថា យុវជនម្នាក់បានចាក់ជនរងគ្រោះ​ជា​ច្រើន​នា​ក់​នៅក្នុងទីក្រុង រ៉ុកហ្វ៊ត (Rockford) រដ្ឋ អ៊ី លីណយ ( Illinois) សហរដ្ឋអាមេរិក កាល​ពី​ថ្ងៃ​ពុធ ដែលបានបណ្ដាលឲ្យមនុស្ស៤នាក់ស្លាប់ ម្នាក់រងរបួសធ្ងន់ ៤នាក់ ទៀតរបួសស្រាល ។  

នគរបាលក្រុងរ៉ុកហ្វ៊ត (Rockford) បានទទួលការហៅទូរស័ព្ទលើកដំបូង អំពីឧបទ្ទវហេតុនេះ នៅមុនម៉ោង១និង១៥នាទី ។ ហេតុការណ៍ចាក់ដោយកាំបិតនេះ បានកើត​ឡើង​កាល​ពី​រសៀល​ថ្ងៃ​ពុធ​នៅ​ក្នុងតំបន់លំនៅឋានមួយក្នុងទីក្រុងនេះ។

នគរបាល​បាននិយាយថា នៅពេលសមត្ថកិច្ចឆ្លើយតប ពួកគេបានរ​ក​ឃើញ​ទិដ្ឋភាព​ឧក្រិដ្ឋកម្ម​ជា​ច្រើន​។ ពួកគេបានពន្យល់ថា ឧក្រិដ្ឋកម្មបានកើតឡើងទាំងនៅក្នុងទីក្រុង Rockford និងនៅតាម​ដង​ផ្លូវ​ជាច្រើន ។ នគរបាលបាននិយាយថា នៅក្នុងទីក្រុង Rockford មនុស្ស៤ នាក់ត្រូវបាន​សម្លាប់​។ មនុស្សម្នាក់ស្ថិតក្នុងស្ថានភាពធ្ងន់ធ្ងរ និង៤នាក់ផ្សេងទៀតបានរងរបួស ទោះបីមិន​ត្រូវ​គេ​ចាក់​ទាំង​អស់ក៏ដោយ។ 

ស្នងការនគរបាលក្រុងលោក ហ្គារី ការ៉ូណា (Gary Caruana) បាននិយាយថា ជនសង្ស័យ​ជា​បុរស​វ័យ​២២ឆ្នាំ ត្រូវបានចាប់ខ្លួននៅក្នុងសង្កាត់វីនណេបាហ្គោ ( Winnebago) បន្ទាប់ពី​ក្រុម​មន្ត្រី​ទទួលបានទូរស័ព្ទស្ដីពីករណីមានបុរសម្នាក់សម្រុកចូលផ្ទះមួយកន្លែង។ 

នាយកដ្ឋាន​ពន្លត់អគ្គិភ័យប្រចាំទីក្រុង Rockford បាននិយាយថា មនុស្សម្នាក់ ក្នុងចំណោម​អ្នក​ស្លាប់ ត្រូវបានបញ្ជូនទៅមន្ទីរពេទ្យក្នុងស្ថានភាពធ្ងន់ធ្ងរ ប៉ុន្តែនៅតែមិន​អាច​ជួយ​ស្រោច​ស្រង់​ជីវិត​បាន​។    

ស្នងការរងនគរបាលរង បានចាប់ឃុំខ្លួនជនសង្ស័យ។ នគរបាល ក្រុង Rockford បាននិយាយថា ជន​សង្ស័យកំពុងត្រូវបានសួរចម្លើយនៅពេលនេះ ហើយការចោទ​ប្រកាន់​មិន​ទាន់​ត្រូវ​បាន​ធ្វើ​ឡើង​នៅ​ឡើយ​ទេ។

នគរបាលបាននិយាយថា ពួកគេមិនជឿថាមានជនសង្ស័យណាម្នាក់ទៀតទេ នៅក្នុងការ​វាយ​ប្រហារ​នេះ ។  ពួកគេបាននិយាយថាភ្នាក់ងារសហព័ន្ធក៏កំពុងជួយក្នុងការស៊ើបអង្កេតផងដែរ។

ពុំទាន់​មាន​ព័ត៌មាន​ភ្លាមៗ​អំពី​មូលហេតុ​នៅ​ពីក្រោយ​ការ​វាយ​ប្រហារ​ចាក់​សម្លាប់​មនុស្ស​ដោយ​កាំបិតនេះ​នៅ​ឡើយទេ៕