លោក Zhao Leji គឺជាសមាជិកសភាជាន់ខ្ពស់មួយរូបរបស់ចិន និងជាប្រធានគណៈកម្មាធិការអចិន្ត្រៃយ៍សភាប្រជាជនចិន និយាយថានៅថ្ងៃព្រហស្បតិ៍នេះថា ទីក្រុងប៉េកាំងមានគោលបំណងចង់ក្លាយជាកម្លាំងជំរុញសម្រាប់ការងើបសេដ្ឋកិច្ចពិភពលោកឡើងវិញនៅក្នុងឆ្នាំនេះ ដោយបើកទីផ្សារធំទូលាយជាងមុនដល់ក្រុមវិនិយោគិនបរទេស និងលើកកម្ពស់កំណើនគុណភាពខ្ពស់ ។
អំឡុងពេលបើកកិច្ចប្រជុំពេញអង្គវេទិកា Boao ប្រចាំអាស៊ី (BFA) ដែលជាសន្និសីទប្រចាំឆ្នាំ ២០២៤ ត្រូវបានរៀបចំឡើងនៅថ្ងៃព្រហស្បតិ៍នេះ នៅទីក្រុងឆ្នេរសមុទ្រ Boao ខេត្ត Hainan ភាគខាងត្បូងប្រទេសចិន លោក Zhao និយាយថា ចិននឹងធ្វើឲ្យនវានុវត្តន៍បច្ចេកវិទ្យា ឡើងដល់ចំណុចថ្មីនៃកំណើនសេដ្ឋកិច្ច ហើយចិនចង់សហការណ៍ជាមួយប្រទេសដទៃទៀតលើកិច្ចការមួយនេះ ។
លោកបានសន្យាផងដែរចំពោះការបើកទូលាយអស្ចារ្យជាងមុននៅទីផ្សារក្នុងប្រទេសសម្រាប់ក្រុមអ្នកវិនិយោគិន ជាមួយនឹងការកាត់បន្ថយបន្ថែមទៀតបញ្ជីអវិជ្ជមាននៃវិស័យដែលត្រូវបានហាមឃាត់ ឬរឹតត្បិតសម្រាប់ការនិយោគទុនពីក្រុមហ៊ុនបរទេសដោយគ្មានការយល់ព្រមពិសេស ។
សូចនាករសេដ្ឋកិច្ចកាលពីពេលថ្មីៗនេះ បង្ហាញថា ប្រទេសមហាអំណាចសេដ្ឋកិច្ចធំបំផុតលំដាប់លេខ ២របស់ពិភពលោកមួយនេះ ចាប់ផ្តើមដ៏ភ្លឺស្វាងក្នុងឆ្នាំ ២០២៤នេះ ស្របពេលដែលពួកគេព្យាយាមធ្វើឲ្យមានកំណើនសេដ្ឋកិច្ច ស្របពេលកើតមានភាពទន់ខ្សោយលើវិស័យអចលនទ្រព្យ និងកើនបំណុលរដ្ឋាភិបាលក្នុងស្រុក ៕