ប្រជាជនអាមេរិកភាគច្រើនប្រផិតប្រផើយ គឺ៥៥ភាគរយឥឡូវនេះ មិនយល់ព្រមចំពោះសកម្មភាពយោធាដែលអ៊ីស្រាអែល បានធ្វើនៅក្នុងតំបន់ហ្កាហ្សា នេះបើយោងតាមការស្ទង់មតិថ្មីរបស់ក្រុមហ៊ុនGallup ខណៈដែលជនជាតិអាមេរិកត្រឹមតែ ៣៦ភាគរយប៉ុណ្ណោះ យល់ព្រមលើសកម្មភាពយោធារបស់អ៊ីស្រាអែល។
ការគាំទ្រសម្រាប់សកម្មភាពយោធារបស់អ៊ីស្រាអែល បានធ្លាក់ចុះបើធៀបនឹងចុងឆ្នាំមុន។ នៅក្នុងខែវិច្ឆិកា ឆ្នាំ២០២៣ មួយខែបន្ទាប់ពីការចាប់ផ្តើមនៃសង្រ្គាមនេះ ការយល់លើសកម្មភាពយោធាគឺ ៥០ភាគរយ ខណៈដែល៤៥ភាគរយ មិនយល់ព្រមចំពោះសកម្មភាពយោធារបស់អ៊ីស្រាអែល នេះបើយោងតាមការស្ទង់មតិរបស់Gallup។
លទ្ធផលបោះឆ្នោតចុងក្រោយបំផុត គឺបានមកពីការស្ទង់មតិដែលបានធ្វើឡើង ចាប់ពីថ្ងៃទី១ ខែមីនាដល់ថ្ងៃទី២០ខែមីនា នេះបើយោងតាមGallup។
ក្រុមហាម៉ាស បានបើកការវាយប្រហារភេរវកម្មដ៏គួរឲ្យភ្ញាក់ផ្អើលមួយលើអ៊ីស្រាអែលកាលពីថ្ងៃទី៧ ខែតុលា ដោយបានសម្លាប់មនុស្សយ៉ាងហោចណាស់ ១.២០០ នាក់នៅក្នុងប្រទេសអ៊ីស្រាអែល នេះបើយោងតាមមន្ត្រីអ៊ីស្រាអែល។ ប្រជាជនប៉ាឡេស្ទីនជាង ៣២.000នាក់ ត្រូវបានសម្លាប់ និងជាង ៧៣.000នាក់ផ្សេងទៀតបានរងរបួសនៅក្នុងតំបន់ហ្កាហ្សា ចាប់តាំងពីថ្ងៃទី៧ ខែតុលា ចំពេលប្រតិបត្តិការជើងគោក ដែលកំពុងបន្តរបស់អ៊ីស្រាអែល និងការវាយប្រហារតាមអាកាសលើតំបន់នេះ បើយោងតាមក្រសួងសុខាភិបាលនៃតំបន់ហ្កាហ្សាគ្រប់គ្រងដោយក្រុមហាម៉ាស។
ការយល់ព្រមលើសកម្មភាពរបស់អ៊ីស្រាអែល បានធ្លាក់ចុះ ១៨ភាគរយ ក្នុងចំណោមអ្នកប្រជាធិបតេយ្យ និងអ្នកឯករាជ្យ និង ៧ភាគរយ ក្នុងចំណោមអ្នកសាធារណរដ្ឋ។ នៅក្នុងការស្ទង់មតិពីមុន ក្រុមអ្នកឯករាជ្យដែលឥឡូវទំនងជាប្រឆាំងនឹងសកម្មភាពយោធា ត្រូវបានបែងចែក។