មន្ត្រីចំនួន៥នាក់មកពីប្រទេសអេហ្ស៊ីប សហរដ្ឋអាមេរិក និងអ៊ីស្រាអែល បាននិយាយថា មន្ត្រីអេហ្ស៊ីប បានដាក់សំណើមួយចំនួនដើម្បីសុំការពីសហរដ្ឋអាមេរិក ក្នុងការចរចាជាមួយអ៊ីស្រាអែលជុំវិញតំបន់ហ្កាហ្សា រួមទាំងការផ្តល់មូលនិធិសន្តិសុខ និងឧបករណ៍ផ្សេងៗ។ 

ក្នុងរយៈពេលប៉ុន្មានខែថ្មីៗនេ ទីក្រុងគែរ បានស្នើសុំឲ្យសហរដ្ឋអាមេរិកពិចារណាជួយផ្គត់ផ្គង់ថវិកាបន្ថែមនិងគ្រឿងយុទ្ធោបករណ៍ថ្មី ដូចជាប្រព័ន្ធសន្តិសុខនិងរ៉ាដា ដើម្បីការពារព្រំដែនជាមួយតំបន់ហ្កាហ្សា ក្នុងការរៀបចំសម្រាប់ការលុកលុយរបស់អ៊ីស្រាអែលលើទីក្រុងរ៉ាហ្វា (Rafah)។ ពួកគេទាំងអស់ ត្រូវបានផ្តល់ឲ្យនូវអនាមិក ដើម្បីនិយាយអំពីការពិភាក្សាដ៏ស្មុកស្មាញមួយចំនួន។

សំណើរបស់អេហ្ស៊ីប កើតឡើង នៅពេលដែលមន្ត្រីអាមេរិកមានចេតនាជាមួយសមភាគីរបស់ពួកគេក្នុងប្រទេសកាតា អេហ្ស៊ីប និងអ៊ីស្រាអែល ដើម្បីលុបបំបាត់ផែនទីបង្ហាញផ្លូវ ដែលនៅទីបំផុត នឹងនាំទៅដល់ការផ្អាកក្នុងការប្រយុទ្ធ ដើម្បីអនុញ្ញាតឲ្យមានការដោះលែងចំណាប់ថ្នូរដែលនៅសេសសល់ទាំងអស់ ត្រូវឃុំខ្លួនដោយក្រុមហាម៉ាស នៅតំបន់ហ្កាហ្សា។ ជាផ្នែកនៃកិច្ចពិភាក្សាទាំងនោះ អ៊ីស្រាអែល បាននិយាយថា ខ្លួននឹងព្យាយាមបោសសម្អាតក្រុមសកម្មប្រយុទ្ធហាម៉ាសចេញពីផ្នែកខាងត្បូងនៃតំបន់នេះ ដោយធ្វើប្រតិបត្តិការជើងគោកនៅទីក្រុងរ៉ាហ្វា។ មន្ត្រីអេហ្ស៊ីបនិងអាមេរិក ជឿជាក់កាន់តែខ្លាំងថា ការលុកលុយលើទីក្រុងរ៉ាហ្វា នឹងកើតឡើងជាយថាហេតុ។

មន្ត្រីអេហ្ស៊ីប បានប្រឆាំងយ៉ាងដាច់អហង្ការចំណោះគំនិតនោះ ដោយនិយាយថា ការលុកលុយ នឹងបង្ខំប្រជាជនហ្កាហ្សានរាប់សែននាក់ឲ្យភៀសខ្លួនពីភាគខាងត្បូងទៅកាន់ព្រំដែន ដែលពួកគេទំនងជានឹងព្យាយាមឆ្លងកាត់។ ក្រុមមន្ត្រីមានការព្រួយបារម្ភជាពិសេសអំពីក្រុមសកម្មប្រយុទ្ធហាម៉ាស ដែលឆ្លងកាត់ចូលទៅក្នុងឧបទ្វីបស៊ីណៃ ជាតំបន់ដែលមានរយៈពេលជាច្រើនឆ្នាំ បានកាន់កាប់ដោយក្រុមជ្រុលនិយមដែលបានធ្វើការវាយប្រហារភេរវកម្មដ៏សាហាវជាច្រើនលើកមកហើយនោះ។