ប្រធានាធិបតីអ៊ុយក្រែនលោក Volodymyr Zelenskiy និយាយកាលពីថ្ងៃព្រហស្បតិ៍ថា លោកមាននូវជំនួបតាមទូរស័ព្ទជាមួយប្រធានសភាសហរដ្ឋអាមេរិកលោក Mike Johnson ។

គួរឲ្យដឹងថា លោក Johnson បានផ្អឹបទុកចោលសេចក្តីស្នើច្បាប់អស់រយៈពេលជាច្រើនខែមកហើយ ដែលនឹងផ្គត់ផ្គង់ជំនួយយោធា និងជំនួយហិរញ្ញវត្ថុ ៦០ពាន់លានដុល្លារដល់អ៊ុយក្រែន ។

ទាហានអ៊ុយក្រែន ស្ថិតក្នុងដំណើរថយក្រោយនៅសមរភូមិមុខ ដោយពួកគេប្រឈមនឹងកង្វះខាតការផ្គត់ផ្គង់កាំភ្លើងធំ ពេលដែលជំនួយសហរដ្ឋអាមេរិកត្រូវបានផ្អឹបទុកចោលនៅក្នុងសភាបែបនេះ ហើយសហភាពអឺរ៉ុប មិនអាចចែកចាយគ្រាប់រំសេវទាន់ពេលដែលពួកគេបានសន្យាកាលពីមុន ។

លោក Zelenskiy បាននិយាយប្រាប់លោក Johnson ពីស្ថានភាពនៅលើសមរភូមិមុខ ហើយលោកបាននិយាយផងដែរពីអំពើភេរវកម្មរបស់រុស្ស៊ីដែលមានតែការកើនឡើងប៉ុណ្ណោះ ៕