កងទ័ពអ៊ីស្រាអែល បានចាប់ផ្ដើត្រួតពិនិត្យអ្នកបួងសួងប៉ាឡេស្ទីន ដែលមកពីក្រុងវេស បែង ដើម្បីទៅបួងសួងក្នុងបរិវេណវិហារ អាល់ អាក់សា (al-Aqsa) ក្នុងក្រុងហ្សេរុយសាឡឹម នៅកន្លែងត្រួតពិនិត្យ

អ៊ីស្រាអែល នៅថ្ងៃសុក្រនេះ។

អ្នបួងសួងសង្ឃឹមថា នឹងបានឆ្លងកាត់កន្លែងត្រួតពិនិត្យទៅចូលរួមបួងសួងបុណ្យរ៉ាម៉ាដាន់នៅថ្ងៃសុក្រនេះ នៅឯបរិវេណអាល់អាក់សា (Al-Aqsa) ដែលក្រុមជនមូស្លីមចាត់ទុកថាជា ទីកន្លែងដ៏ពិសិដ្ឋបំផុតទីបីនោះ។

ជនជាតិប៉ាឡេស្ទីនខ្លះ បាននិយាយថា ពួកគេមិនត្រូវបានអនុញ្ញាតឱ្យចូល និងត្រូវបានគេស្នើឱ្យឆាប់ត្រឡប់មកវិញ។

ជើងភ្នំដែលស្ថិតនៅកន្លែងវិហារអ៊ីស្លាម ក៏ជាកន្លែងពិសិដ្ឋបំផុតសម្រាប់ជនជាតិជ្វីសផងដែរ ដែលបានហៅវាថា ជាវិហារភ្នំ។

ខណ:ដែល តំបន់នេះ ជារឿយៗជាកន្លែងមានការប៉ះទង្គិចគ្នារវាងអ្នកប្រកាន់ជំនឿទាំងពីរ អ្នកបួងសួងប៉ាឡេស្ទីននិយាយថា អាជ្ញាធរអ៊ីស្រាអែលបានរឹតត្បិតការចូលទៅកាន់វិហារ អាល់ អាក់សា ចាប់តាំងពីសង្រ្គាមរបស់អ៊ីស្រាអែលលើក្រុមសកម្មប្រយុទ្ធហាម៉ាស បានចាប់ផ្ដើមនៅក្នុងតំបន់ហ្កាហ្សា កាលពីថ្ងៃទី៧តុលាមក។