ស្ទឹងត្រែង ៖ នៅថ្ងៃទី២៨និង២៩ ខែមីនា ឆ្នាំ២០២៤ កម្លាំងអធិការដ្ឋាន និងកម្លាំងប៉ុស្តិ៍នគរបាលរដ្ឋបាលសេកុង ចុះល្បាត ស្រាវជ្រាវ និងបង្ក្រាបបទល្មើស បានរកឃើញគំនរវ័ល្លិ៍រមៀត ០១កន្លែង នៅចំណុចក្នុងព្រៃ ស្ថិតនៅក្នុងភូមិសាស្ត្រភូមិចន្ទុះ (ក្រៅ) ឃុំសេកុង ស្រុកសៀមប៉ាង ខេត្តស្ទឹងត្រែង ដែលត្រូវបានក្រុមមិនស្គាល់មុខ(អញត្តិជន)យកទៅគរលាក់ទុកចោលនៅក្នុងព្រៃ ។

ប្រភពពីសមត្ថកិច្វបានឲ្យដឹងថា នៅរសៀលថ្ងៃទី២៨ ខែមីនា ឆ្នាំ ២០២៤ កម្លាំងអធិការដ្ឋាន និងកម្លាំងប៉ុស្តិ៍នគរបាលរដ្ឋាបាល បានសហការជាមួយជំនាញបរិស្ថាន និងកម្លាំងគណៈបញ្ជាការឯកភាពរដ្ឋបាលស្រុកសៀមប៉ាង ដឹកនាំដោយលោក ព្រំ អូដន អភិបាលរងស្រុក បានធ្វើការចុះបង្ក្រាបវល្លិរមៀតរាប់រយការ៉ុង និងបានធ្វើកំណត់ហេតុដុតបំផ្លាញចោលនៅក្នុងព្រៃ។

លោក ផាន់ យុត អភិបាលស្រុកសៀមប៉ាងបានឲ្យដឹងថា ការចុះបង្ក្រាបអនុផលព្រៃឈើ ខាងលើនេះ មានការបញ្ជាពីព្រះរាជអាជ្ញា អមសាលាដំបូងខេត្ត ស្ទឹងត្រែង និងចូលរួម

សហការជាមួយមន្ទីរបរិស្ថានខេត្ត ហើយក្នុងប្រតិបត្តិការចុះបង្ក្រាបដល់ទីតាំងគំនរវល្លិ៏រមៀត មិនបានជួបជនល្មើសណាម្នាក់ឡើយ។

លោកបន្តថា កន្លងមក កម្លាំងសមត្ថកិច្ចរបស់ស្នងការដ្ឋាននគរបាលខេត្ត និងកម្លាំងមន្ត្រីបរិស្ថានបានធ្វើការបង្ក្រាបបានវល្លិ៏រមៀត រាប់តោននិងកសាងសំណុំរឿងបញ្ជូនទៅតុលាការហើយធ្វើការប្រមូលវត្ថុតាងយកមករក្សាទុកនៅស្នាក់ការបរិស្ថានស្រុកសៀមបាង។

តាមប្រភពពីប្រជាពលរដ្ឋនៅស្រុកសៀមប៉ាងបានឲ្យថឹងថា ករណីបទល្មើសធនធានធម្មជាតិដែលកើតមានឡើងនៅក្នុងមូលដាននៃស្រុកសៀមប៉ាងនេះ គឺដោយសារតែកត្តាជីវភាពបងប្អូននៅទីជនបទដាច់ស្រយាលមានការខ្វះខាត ហើយពួកគាត់ភាគច្រើនអាស្រ័ផល ដោយរកវល្លិផ្ដៅ ដុតជ័រ រកផ្សិត ាថើម។ល។ ហើយនៅតំបន់នេះសុទ្ធ

សឹងតែប្រជាពលរដ្ឋជនជាតិភាគតិ ការយល់ដឹង ដូវនេះសូមឲ្យអាជ្ញាធរចុះណែនាំនិងរករបរឲ្យពួកគាត់ក្នុងរកទទួលទានស្របច្បាប់ដូវពលរដ្ឋនៅតាមទីប្រជុំជនផង៕

 ដោយ ៖ មាស ផល្លា