អ៊ុយក្រែន ៖ ប្រធានាធិបតីអ៊ុយក្រែនលោក វ៉ូឡូមៀ ហ្សេឡិនស្គី (Volodymyr Zelenskiy) កាលពីថ្ងៃសុក្រ បានប្រកាសថា ប្រាក់ចំណូលរបស់ខ្លួនសម្រាប់ឆ្នាំ ២០២២ បានកើនឡើងដល់ ១២,៤២ លាន ហ៊ីរីវនៀ(hryvnias) ( ៣០៦.000ដុល្លារ) ពី ៣,៧ លានហ៊ីរីវនៀកាលពីឆ្នាំមុន ជាមួយនឹងការកើនឡើងនេះ  បានមកពីការប្រមូលជួល និងការលក់មូលបត្របំណុលរដ្ឋាភិបាលមួយចំនួនដែលមានភាពប្រសើរឡើង។

សេចក្តីថ្លែងការណ៍នៅលើគេហទំព័ររបស់ប្រធានាធិបតី បាននិយាយថា ប្រាក់ចំណូលភាគច្រើនរបស់ប្រធានាធិបតី និងគ្រួសាររបស់ខ្លួន បានមកពីប្រាក់ខែ ការប្រាក់ធនាគារ និងចំណូលពីការជួលអចលនទ្រព្យ។

សេចក្តីថ្លែងការណ៍នោះ បានឲ្យដឹងទៀតថា លោកហ្សេឡិនស្គី និងគ្រួសាររបស់លោក ទទួលបានប្រាក់ចំណូលចំនួន ៧,៤៥ លានហ៊ីរីវនៀអ៊ុយក្រែនពីការលក់មូលបត្របំណុលរដ្ឋាភិបាល។

សេចក្តីថ្លែងការណ៍នោះ បានបញ្ជាក់ថា ប្រាក់ចំណូលភាគច្រើន បានមកពីប្រាក់ខែរបស់លោក ការប្រាក់ពីធនាគារ និងការជួលអចលនទ្រព្យរបស់លោក ហើយវាបានរាយការណ៍ថា មិនមានការផ្លាស់ប្តូរធំដុំ   នៃទ្រព្យសម្បត្តិរបស់ប្រធានាធិបតី ឬយានជំនិះដែលលោកមាននោះទេ។

នៅក្នុងសេចក្តីប្រកាសមុន លោកហ្សេឡិនស្គី បានរាយការណ៍ពីប្រាក់ចំណូលគ្រួសារចំនួន ៣,៧ លាន ហ៊ីរីវនៀហើយនៅឆ្នាំ ២០២១ មុនពេលការផ្ទុះសង្រ្គាមនៅឆ្នាំ ២០២២ ប្រាក់ចំណូល ១០,៨ លាន ហ៊ីរីវនៀ។ ការធ្លាក់ចុះយ៉ាងខ្លាំងក្នុងឆ្នាំ ២០២២ ត្រូវបានគេសន្មតថា មានប្រាក់ចំណូលពីការជួលអចលនទ្រព្យតិចតួច។