ការសិក្សារបស់ធនាគារកណ្តាលដែលត្រូវបានឃ្លាំមើលយ៉ាងដិតដល់ បានបង្ហាញ នៅថ្ងៃចន្ទ (ទី១ ខែមេសា) នេះថា អារម្មណ៍គិតពីអាជីវកម្ម ក្នុងចំណោមក្រុមហ៊ុនមិនទាក់ទងនឹងការផលិត បានកើនឡើងដល់កម្រិតខ្ពស់ក្នុងរយៈពេលជាង ៣ទសវត្សរ៍ នៅត្រីមាសដំបូង ដោយរបាយការណ៍នេះបានផ្តល់ជូនអ្នកបង្កើតគោលនយោបាយនូវក្ដីសង្ឃឹម ដែលថា តម្រូវការក្នុងស្រុកនឹងគាំទ្រដល់ការស្ទុះងើបឡើងវិញនៃសេដ្ឋកិច្ចដ៏ផុយស្រួយរបស់ប្រទេស។

ប៉ុន្តែអារម្មណ៍គិតពីអាជិវកម្មរបស់ក្រុមហ៊ុនអ្នកផលិតធំៗ បានកើនឡើងជាលើកដំបូង ក្នុងរយៈពេល ៤ត្រីមាស ដោយសារតែផ្នែកមួយនៃការរំខានដល់ការផលិតរថយន្ត។ នេះបើយោងតាមការសិក្សារបស់វិទ្យាស្ថានស្រាវជ្រាវ។

ការសិក្សាស្រាវជ្រាវបានបង្ហាញថា សន្ទស្សន៍អារម្មណ៍គិតពីអាជីវកម្ម សម្រាប់ក្រុមហ៊ុនផលិតធំ ៗ មានកម្រិត បូក១១ (+១១) ក្នុងខែមីនាឡើង ពីកម្រិត បូក១៣ ក្នុងខែធ្នូ បើប្រៀបធៀបទៅនឹងការព្យាករណ៍ទីផ្សារជាមធ្យមកម្រិតបូក១០។ សន្ទស្សន៍វាស់ស្ទង់អារម្មណ៍គិតពីអាជីវកម្មរបស់ក្រុមហ៊ុនមិនទាក់ទងនឹងការផលិតធំៗ បានឡើងដល់ បូក៣៤ ក្នុងខែមីនា ឡើងពីកម្រិត បូក៣២ កាលពី ៣ខែមុន ដែលលើសបន្តិចពីការព្យាករណ៍ទីផ្សារកម្រិត បូក៣៣។

លទ្ធផលគឺស្ថិតក្នុងចំណោមកត្តាដែលធនាគារកណ្តាលជប៉ុន (BOJ) នឹងពិនិត្យពិច័យនៅក្នុងកិច្ចប្រជុំបន្ទាប់របស់ខ្លួន នៅថ្ងៃទី ២៥-២៦ ខែមេសា នៅពេលដែលខ្លួនចេញការព្យាករណ៍កំណើនប្រចាំត្រីមាសថ្មី និងការព្យាករណ៍អតិផរណាដែលនឹងទាក់ទាញការចាប់អារម្មណ៍ទីផ្សារសម្រាប់តម្រុយណាមួយថា តើខ្លួនអាចដំឡើងអត្រាការប្រាក់ម្តងទៀតក្នុងពេលឆាប់ៗនេះ ឬយ៉ាងណា៕