អតីតរដ្ឋមន្ត្រីការបរទេសលោក ម៉ៃ ប៉ុមប៉េអូ (Mike Pompeo) បានចោទប្រកាន់រដ្ឋបាលលោកបៃដិន ថាមាន «ជំហរទន់ភ្លន់»ចំពោះប្រទេសអ៊ីរ៉ង់ ចំពេលក្រុមឧទ្ទាមហ៊ួទីវាយប្រហារនាវាពាណិជ្ជករ នៅសមុទ្រក្រហម។

លោកប៉ុមប៉េអូ ដែលបានរិះគន់គោលនយោបាយការបរទេសរបស់លោកប្រធានាធិបតីបៃដិន បាននិយាយថា វិធីសាស្រ្តរបស់រដ្ឋបាលបច្ចុប្បន្នចំពោះទីក្រុងតេអេរ៉ង់ កើតចេញពីរដ្ឋបាលលោកអូបាម៉ា (Obama) ហើយថា វាមិនអាចទៅរួចទេ ក្នុងការចរចាជាមួយប្រទេសមជ្ឈិមបូព៌ានោះ។

កាលពីថ្ងៃអាទិត្យ លោកបាននិយាយនៅក្នុងបទសម្ភាសន៍ជាមួយអ្នករៀបចំកម្មវិធី Cats Roundtableរបស់វិទ្យុWABC 770 AM លោក John Catsimatidis ថា៖«រដ្ឋបាលបៃដិន មានជំហរភាពទន់ចំពោះអ៊ី    រ៉ង់ តាំងពីដំបូងមក។ ភាពទន់ភ្លន់បែបនេះ គឺជាអ្វីដែលបានកើតពីពីក្រុមលោកអូបាម៉ា»។

លោកប៉ុមប៉េអូ បានគូសបញ្ជាក់អំពីរដ្ឋបាលបច្ចុប្បន្នដែលលើកឈ្មោះភេរវករសម្រាប់ក្រុមហ៊ួទី ក្នុងប្រទេសយេម៉ែន ហើយបានសោកស្ដាយបន្ថែមទៀតថា តាមទស្សនៈរបស់ខ្លួន វាមិនអាចទៅរួចទេ ក្នុងការចរចាជាមួយទីក្រុងតេអេរ៉ង់។

លោកបានលើកឡើងថា៖«រដ្ឋបាលលោកត្រាំ បានចាត់ទុកក្រុមហ៊ួទី ជាក្រុមភេរវករ» ។ «ពួកគេបានដកឈ្មោះភេរវករនោះ។ ពួកគេគ្រាន់តែមិនយល់ថា អ្នកមិនអាចចរចាជាមួយអ៊ីរ៉ង់បានទេ។ មិនមានលទ្ធភាពក្នុងការចរចាជាមួយរបបនៅអ៊ីរ៉ង់ទេ... ដរាបណារដ្ឋបាលរបស់លោកដិន នឹងមិនប្រឈមមុខនឹងបញ្ហានេះ គឺធ្វើឲ្យមេដឹកនាំរបស់សត្រូវចុះខ្សោយ - យើងទំនងជានឹងឃើញការបន្តរងផលវិបាកខ្លាំងនៅទីនេះ នៅក្នុងសហរដ្ឋអាមេរិក ហើយហានិភ័យចំពោះសមាជិកកងកម្លាំងរបស់ ដែលកំពុងបំពេញការងារ ក្នុងតំបន់នេះផងដែរ»។