ការបំផ្លិចបំផ្លាញទ្រង់ទ្រាយធំ ត្រូវបានគេមើលឃើញនៅមន្ទីរពេទ្យអាល់-ស៊ីហ្វា (Al-Shifa) តំបន់ហ្កាហ្សានៅថ្ងៃច័ន្ទនេះ បន្ទាប់ពីកងទ័ពអ៊ីស្រាអែលដកចេញពីកន្លែងមួយមក។ ក្នុងចំណោមកម្ទេចថ្មនៃអគារដែលបានបំផ្លាញជាច្រើន មានផ្សែងដ៍ក្រាស់បានលេចឡើង ខណ:ដែលជនជាតិប៉ាឡេស្ទីនបានធ្វើដំណើរទៅមកជុំវិញបរិវេណមន្ទីរពេទ្យនេះ។

យោធា បាននិយាយនៅថ្ងៃច័ន្ទនេះថា កងទ័ពអ៊ីស្រាអែល បានដកចេញពីមន្ទីរពេទ្យអាល់-ស៊ីហ្វាតំបន់ហ្កាហ្សា បន្ទាប់ពីប្រតិបត្ដិការពីរសប្ដាហ៍ក្នុងអំឡុងពេលដែលពួកកគេបានសម្លាប់ខ្មាន់កាំភ្លើងប៉ាឡេស្ទីនជាច្រើននាក់ នៅក្នុងការប៉ះទង្គិចគ្នា និងបានរឹបអូសអាវុធ និងឯកាសារស៊ើបការណ៍មក។

យោងតាមអាជ្ញាធរសុខាភិបាលបានអោយដឹងថា ជនជាតិប៉ាឡេស្ទីនជាង៣.000នាក់ ត្រូវបានសម្លាប់នៅក្នុងការវាយលុករបស់យោធាអ៊ីស្រាអែលក្នុងតំបន់ហ្កាហ្សាតាំងពីថ្ងៃទី៧តុលាមក។ មន្រ្ដីសុខាភិបាលនិយាយថា អ្នកស្លាប់ភាគច្រើនគឺជាជនស៊ីវិល ខណ:ដែលសអ៊ីស្រាអែល បាននិយាយថាយ៉ាងហោចណាស់១ភាគ៣គឺជាពួកសកម្មប្រយុទ្ធ។

យោងតាមការបូកសរុបរបស់អ៊ីស្រាអែលបានអោយដឹងថា សង្រ្គាមដែលបានផ្ទុះឡើងនេះ បន្ទាប់ពីក្រុមសកម្មប្រយុទ្ធហាម៉ាស បានទម្លុះព្រំដែន និងបានវាយប្រហារដ៏ករោលចូលទៅលើទូទាំងសហគមន៍នៅភាគខាងត្បូងអ៊ីស្រាអែល ដោយបានសម្លាប់មនុស្សអស់១.២០០នាក់ ហើយនិងបានចាប់មនុស្ស ២៥៣នាក់ធ្វើជាចំណាប់ថ្នូរទៀតផង៕