វីដេអូមួយដែលផ្សព្វផ្សាយដោយនគរបាលអ៊ីស្រាអែល បានបង្ហាញជនជាតិប៉ាឡេស្ទីនម្នាក់ ប្រដាប់ទៅដោយកាំបិត ត្រូវបានបាញ់សម្លាប់ បន្ទាប់ពីបានធ្វើឱ្យមនុស្សបីនាក់រងរបួស នៅក្នុងផ្សារទំនើបមួយក្នុងក្រុង ហ្កាន យ៉ាវណេ (Gan Yavne) កាលពីថ្ងៃអាទិត្យកន្លងមក។

នៅក្នុងវីដេអូ បុរសនោះ ត្រូវបានគេឃើញកំពុងរត់ នៅមុនពេលដួលទៅលើដី និងត្រូវបានគេបាញ់

សម្លាប់។

ម៉ាហ្គិន ដេវីត អាដូមនៅផ្នែកសេវារថយន្ដសង្រ្គោះបន្ទាន់ បាននិយាយថា មនុស្សបីនាក់ ដែលមានអាយុ១៧ឆ្នាំ ២០ឆ្នាំ និង២៥ឆ្នាំ បានរងរបួសធ្ងន់ នៅក្នុងការវាយប្រហារនៅឯផ្សារទំនើប។

សេវាសង្រ្គោះបន្ទាន់ បាននិយាយ កាលពីថ្ងៃអាទីត្យថា សញ្ញានៃភាពតានតឹងនៅក្នុងប្រទេសអ៊ីស្រាអែល ដែលកំពុងរីករាលដាលនេះ បង្ហាញថា សមាជិកម្នាក់របស់ជនជាតិអារ៉ាប់ភាគតិចរបស់ប្រទេសនេះ បានចាក់ទាហានបីនាក់ នៅឯចំណតរថយន្ដក្រុងមួយនៅក្នុងក្រុងបៀសេបា (Beersheba) នៅមុនពេលដែលទាហានម្នាក់ ក្នុងចំណោមទាហានបីនាក់ បានបាញ់សម្លាប់បុរសរូបនោះ៕