ក្រសួងកាបរទេសកូរ៉េខាងត្បូង បាននិយាយនៅថ្ងៃអង្គារនេះថា ប្រទេសនេះ បានដាក់ទណ្ឌកម្មលើនាវារុស្ស៊ីពីរគ្រឿង ដែលខ្លួននិយាយថា បានដឹកជញ្ជូនគ្រាប់រំសេវចេញពីកូរ៉េខាងជើង ទៅឱ្យប្រទេសរុស្ស៊ី។
ក្រសួងកាបរទេស បាននិយាយថា ទណ្ឌកម្មនេះ ក៏បានដាក់ទៅលើអង្គការរុស្ស៊ីពីរអង្គភាពផងដែរ ដែលពាក់ព័ន្ធជួលកម្មករកូរ៉េខាងជើង ដើម្បីជួយក្រុងព្យុងយ៉ាងនៅក្នុងការរកចំណូលរូបិយប័ណ្ណបរទេស
ក្រុមមន្រ្ដីក្នុងសហរដ្ឋអាមេរិក កូរ៉េខាងត្បូង និងអ៊ុយក្រែន បានចោទប្រកាន់ប្រទេសកូរ៉េខាងជើងថា កំពុងផ្ដល់អាវុធដូចជាមីស៊ីលទៅឱ្យប្រទេសរុស្ស៊ី ដើម្បីប្រើប្រាស់នៅក្នុងសង្រ្គាមអ៊ុយក្រែន។ ចំណែកក្រុងមូស្គូនិងក្រុងព្យុងយ៉ាង បានបដិសេធន៍ទៅនឹងការចោទនេះ។
ក្រសួងកាបរទេសកូរ៉េខាងត្បូង ក៏បានថ្កោលទោសផងដែរទៅនឹងការបាញ់មីស៊ីលថ្មីៗរបស់កូរ៉េខាងជើងនៅថ្ងៃអង្គារនេះ ដែលនិយាយថា វាជាការរំលោភលើសេចក្ដីសម្រេចជាច្រើនរបស់អង្គការសហប្រជាជាតិ និងបានគំរាមដល់សន្ដិភាពនិងស្ថិរភាពក្នុងឧបទ្វិបកូរ៉េនិងពិភពលោក៕