ប្រទេសជប៉ុន បានចេញសេចក្ដីណែនាំសម្រាប់ការជម្លៀសខ្លួនចេញរបស់ប្រជាពលរដ្ឋនៅតំបន់ឆ្នេរសមុទ្រ ជិតខេត្ត អូគីណាវ៉ា(Okinawa)ភាគខាងត្បូង បន្ទាប់ពីរញ្ជួយដីដ៏ខ្លាំងក្លា បានជំរុញឲ្យចេញការព្រមានពីរលកស៊ូណាមិ។
យោងតាមទីភ្នាក់ងារឧតុនិយមជប៉ុន គេរំពឹងថា នឹងមានរលកស៊ូណាមិ កម្ពស់៣ម៉ែត្រ ចូលទៅដល់តំបន់ឆ្នេរសមុទ្រភាគនិរតីរបស់ប្រទេសជប៉ុន នៅម៉ោងប្រហែល១០ព្រឹក ។ ការព្រមាននេះបានកើតមានឡើង បន្ទាប់ពីការរញ្ជួយដីកម្រិត៧,៥ រ៉ិចទ័រ វាយប្រហារក្នុងមហាសមុទ្រជិតកោះតៃវ៉ាន់។