អ៊ុយក្រែន បាននិយាយថា ខ្លួនបានបង្កើតយានដ្រូនវាយប្រហារដែលអាចហោះហើរបានចម្ងាយជាង ៦២០ម៉ាយ មុនពេលដែលរុស្ស៊ី បានរាយការណ៍ពីការវាយប្រហារដោយយានដ្រូនលើរោងចក្រនៅម្ងាយប្រហែល ៦២០ម៉ាយពីព្រំដែនអ៊ុយក្រែន។

លោក Mykhailo Fedorov រដ្ឋមន្ត្រីក្រសួងបដិវត្តន៍ឌីជីថលរបស់ប្រទេសអ៊ុយក្រែន បានប្រាប់សារព័ត៌មានអាល្លឺម៉ង់ Welt ថា អ៊ុយក្រែនបានបង្កើតគំរូយានដ្រូនដែលអាចហោះហើរបានជាង ១.000 គីឡូម៉ែត្រ (៦២០ម៉ាយ)។

បន្តិចក្រោយមក អាជ្ញាធរក្នុងប្រទេសរុស្ស៊ី បានរាយការណ៍ពីការវាយប្រហារនៅទីតាំងនានា ក្នុងទីក្រុងតាតាស្ថាន (Tatarstan) ដែលមានចម្ងាយប្រហែល ៦២០ម៉ាយ ពីចំណុចជិតបំផុតក្នុងប្រទេសអ៊ុយក្រែន។

សារព័ត៌មានAFP បានរាយការណ៍ថា ប្រមុខនៃសាធារណរដ្ឋតាតាស្ថាន លោក Rustam Minnikhanov បាននិយាយនៅលើបណ្តាញសង្គម Telegramថា៖«ការវាយប្រហារដោយយានដ្រូន បានកើតឡើងប្រឆាំងនឹងរោងចក្រនៅក្នុងទីក្រុងតាតាស្ថាន នៅទីក្រុងYelabuga និង Nizhnekamsk»។

ភ្នាក់ងារព័ត៌មានរ៉យទ័រ បានរាយការណ៍ថា ទីក្រុង Nizhnekamsk គឺជាទីតាំងរបស់រោងចក្រចម្រាញ់ប្រេងធំជាងគេទីបីរបស់រុស្ស៊ី ដែលដំណើរការការចម្រាញ់ប្រេងប្រហែល ១៥៥.000បារ៉ែល ក្នុងមួយថ្ងៃ។

សារព័ត៌មាន AFP បានរាយការណ៍ថា នៅជិតទីក្រុង Yelabuga គឺជាហាងលក់គ្រឿងយន្តវិស្វកម្មនិងគីមី និងរោងចក្រផលិតលោហៈធាតុ។ ប្រភពស៊ើបការណ៍មួយ បានប្រាប់សារព័ត៌មានរ៉យទ័រថា យានដ្រូន ដែលផលិតនៅអ៊ុយក្រែន បានវាយប្រហារទៅលើរោងចក្រផលិតយានដ្រូនវាយប្រហារចម្ងាយឆ្ងាយ «Shahed»។