ប្រទេសហ្វាំងឡង់ កំពុងកាន់ទុក្ខ និងមានការតក់ស្លុតយ៉ាងខ្លាំងបន្ទាប់ពីឧប្បត្តិហេតុសោកនាដកម្មកាលពីថ្ងៃអង្គារ (០២ មេសា) ដែលសិស្សសាលាអាយុ ១២ ឆ្នាំម្នាក់បានបើកការបាញ់ប្រហារទៅលើមិត្តរួមថ្នាក់បីនាក់ ដែលបណ្តាលឱ្យមានរបួស ២ នាក់និងស្លាប់ម្នាក់។

ការបាញ់ប្រហារនេះបានកើតឡើងនៅម៉ោងប្រហែល ៩ ព្រឹកថ្ងៃអង្គារ នៅឯសាលារៀនមួយក្នុងទីក្រុង វ៉ានតា (Vantaa) ដែលជាទីក្រុងមួយនៅមិនឆ្ងាយពីរដ្ឋធានី ហែលស៊ិនគី។

ជនសង្ស័យបានរត់គេចខ្លួនចេញពីអគារសិក្សាបន្ទាប់ពីមានការបាញ់ប្រហារ ប៉ុន្តែត្រូវបាននគរបាលឃាត់ខ្លួនបានក្នុងរយៈពេលមួយម៉ោង ដោយបានរកឃើញកាំភ្លើងខ្លីមួយដើម ដែលមានអាជ្ញាប័ណ្ណពីសាច់ញាតិជិតស្និទ្ធលើមនុស្សរបស់គេ។

សិស្សដែលរងរបួសទាំងពីរនាក់កំពុងសម្រាកព្យាបាលនៅមន្ទីរពេទ្យកុមារ ហែលស៊ិនគី ដោយមានរបួសធ្ងន់ធ្ងរ។

នគរបាលបានសួរចម្លើយជនសង្ស័យរូបនោះ ប៉ុន្តែបាននិយាយថា ក្មេងប្រុសអាយុ ១២ ឆ្នាំនោះមិនអាចទទួលទោសព្រហ្មទណ្ឌក្រោមច្បាប់ហ្វាំងឡង់បានទេ។ មន្ត្រីការិយាល័យកិច្ចការកុមាររបស់រដ្ឋបាននិយាយថា នេះជារឿងមិនធម្មតាទេដែលក្មេងអាយុ ១២ ឆ្នាំត្រូវបានគេសង្ស័យក្នុងអំពើដ៏ធ្ងន់ធ្ងរបែបនេះ៕