លោក ដូណាល់ ត្រាំ (Donald Trump) បានហៅជនអន្តោប្រវេសន៍ដោយខុសច្បាប់នៅក្នុងសហរដ្ឋអាមេរិក ថាជា «សត្វធាតុ» និង «មិនមែនជាមនុស្ស» នៅក្នុងសុន្ទរកថាក្នុងរដ្ឋ មីឈីហ្កែន (Michigan) កាលពីថ្ងៃអង្គារ (០២ មេសា) នៅក្នុងវោហាសាស្ត្រគួរឱ្យស្អប់ខ្ពើមដែលលោកបានប្រើម្តងហើយម្តងទៀតនៅលើផ្លូវនៃយុទ្ធនាការបោះឆ្នោតរបស់ខ្លួន។

បេក្ខភាពប្រធានាធិបតីនៃគណបក្សសាធារណរដ្ឋរូបនេះ ដែលអមដោយមន្ត្រីអនុវត្តច្បាប់ជាច្រើននាក់ បានរាយបញ្ជីករណីឧក្រិដ្ឋកម្មជាច្រើនពាក់ព័ន្ធនឹងជនសង្ស័យដែលរស់នៅក្នុងប្រទេសដោយខុសច្បាប់ជាញឹកញយ ហើយបានព្រមានថាអំពើហិង្សា និងភាពវឹកវរនឹងលេបត្របាក់អាមេរិក ប្រសិនបើខ្លួនមិនឈ្នះការបោះឆ្នោតថ្ងៃទី០៥ ខែវិច្ឆិកា ខាងមុខនេះ។

ក្នុងអំឡុងពេលថ្លែងសុន្ទរកថា លោក ត្រាំ ជារឿយៗបានអះអាងថា ជនអន្តោប្រវេសន៍ឆ្លងព្រំដែនជាមួយម៉ិកស៊ិក ដោយខុសច្បាប់បានរត់គេចពីពន្ធនាគារ និងមិនមានសិទ្ធិជ្រកកោននៅក្នុងប្រទេសកំណើតរបស់ពួកគេ ហើយកំពុងបញ្ឆេះឧក្រិដ្ឋកម្មហិង្សានៅសហរដ្ឋអាមេរិក។

ខណៈពេលដែលទិន្នន័យដែលមានទៅលើស្ថានភាពអន្តោប្រវេសន៍របស់ឧក្រិដ្ឋជនមានតិចតួច ក្រុមអ្នកស្រាវជ្រាវនិយាយថា មនុស្សដែលរស់នៅក្នុងសហរដ្ឋអាមេរិកដោយខុសច្បាប់ មិនបានប្រព្រឹត្តឧក្រិដ្ឋកម្មហិង្សាក្នុងអត្រាខ្ពស់ដូចពលរដ្ឋមានដើមកំណើតនៅអាមេរិកផ្ទាល់នោះទេ៕