តម្លៃមាស បានឡើងដល់កម្រិតខ្ពស់ជាប្រវត្តិសាស្ត្រមួយផ្សេងទៀតកាលពីថ្ងៃអង្គារ ហើយប្រេង បានបន្តកើនឡើងពាក់ព័ន្ធនឹងការកើនឡើងភាពតានតឹង នៅមជ្ឈិមបូព៌ា ខណៈដែលភាគហ៊ុន បានធ្លាក់ចុះ ដោយសារដែលឈ្មួញមានការព្រួយបារម្ភថាតើការប្រមូលទិញទុក បានដំណើរការឬយ៉ាងណា។

លោហធាតុដ៏មានតម្លៃ បានឡើងថ្លៃដល់ទៅ ២.២៧៩.៤១ ដុល្លារ ក្នុងមួយអោន ដើម្បីពង្រីកការបំបែកកំណត់ត្រារបស់ខ្លួនដែលជំរុញដោយការរំពឹងទុកនៃការកាត់បន្ថយអត្រាការប្រាក់ នៅក្នុងប៉ុន្មានខែខាងមុខនេះ។

តម្លៃប្រេង បានឡើងដល់កម្រិតខ្ពស់ ក្នុងរយៈពេល៥ខែ ខណៈដែលអ៊ីរ៉ង់ បានព្រមានអ៊ីស្រាអែលដែលជាសត្រូវរបស់ខ្លួនថា ខ្លួននឹងសងសឹកចំពោះការវាយប្រហារតាមអាកាសដ៏សាហាវទៅលើអគារឧបសម្ព័ន្ធកុងស៊ុលរបស់ខ្លួន ក្នុងរដ្ឋធានីដាម៉ាស ( Damascus) របស់ប្រទេសស៊ីរី ដោយបង្កើនការភ័យខ្លាចចំពោះ ការហៀរចេញនៃសង្រ្គាមតំបន់ហ្កាហ្សា នៅទូទាំងតំបន់នេះ។

អ្នកស្រី Jane Foley អ្នកវិភាគនៅធនាគារ Rabobank បាននិយាយថា៖«ការអំពាវនាវរកកន្លែងសុវត្ថិភាពជាប្រវត្តិសាស្ត្ររបស់មាស ត្រូវបានជំរុញឡើងវិញ ដោយកត្តាភូមិសាស្ត្រនយោបាយ ដែលរួមមានវិបត្តិបច្ចុប្បន្ន នៅមជ្ឈិមបូព៌ា»។