មនុស្សពីរនាក់ដែលបានដឹងអំពីកិច្ចព្រមព្រៀងនេះ បានប្រាប់សារព័ត៌មានរ៉យទ័រថា ប្រទេសក្រិក បានយល់ព្រមទិញឧទ្ធម្ភាគចក្រ UH-60M Blackhawk ចំនួន ៣៥គ្រឿង ពីក្រុមហ៊ុនម៉ៅការការពារជាតិអាមេរិក Lockheed Martin Corp ក្នុងកិច្ចខិតខំប្រឹងប្រែង ដើម្បីធ្វើទំនើបកម្មកងកម្លាំងប្រដាប់អាវុធរបស់ខ្លួន។

មន្ត្រីរដ្ឋាភិបាលម្នាក់ បានប្រាប់សារព័ត៌មានរ៉យទ័រថា៖«កិច្ចព្រមព្រៀងដែលបានអនុម័តដោយគណៈកម្មាធិការរបស់សភា គឺទិញឧទ្ធម្ភាគចក្រចំនួន ២៥គ្រឿង ក្នុងតម្លៃ ១,១៥ពាន់លានអឺរ៉ូ (១,១៤ ពាន់លានដុល្លារ)»។

មនុស្សទី២ម្នាក់ទៀត បានបញ្ជាក់ពីការអនុម័តដែលត្រូវបានព្រមព្រៀង កាលពីល្ងាចថ្ងៃអង្គារ។

ប្រទេសក្រិក មានគោលបំណងកែលម្អឧស្សាហកម្មការពារជាតិរបស់ខ្លួន និងជំរុញឧស្សាហកម្មសាងសង់នាវារបស់ខ្លួន ខណៈដែលប្រទេសនេះ បានងើបឡើងវិញពីវិបត្តិបំណុលរយៈពេលមួយទសវត្សរ៍ដែលបានបង្ខំឲ្យកាត់បន្ថយការចំណាយ។

រដ្ឋាភិបាលនេះ បានព្រាងផែនការទិញច្រើនពាន់លានដែលមានរយៈពេល ១០ឆ្នាំ ដែលរួមមានការទិញយន្តហោះចម្បាំង F-35 ថ្មីរហូតដល់ ៤០គ្រឿងពីសហរដ្ឋអាមេរិក និងនាវាចម្បាំងបីគ្រឿង ពីប្រទេស      បារាំង។

ទីក្រុងអាថែន ក៏កំពុងពិភាក្សាជាមួយសហរដ្ឋអាមេរិក ដើម្បីធ្វើផែនការរួម និងសាងសង់នាវាចម្បាំង Constellation-class សម្រាប់កងទ័ពជើងទឹកក្រិក។